Գեղարդավանքի վանական համալիրում Բագրատ Սրբազանի հանդիսապետությամբ մատուցվել է Սուրբ և Անմահ Պատարագ՝ համախմբելով հավատավոր ժողովրդին միասնական աղոթքի և հոգևոր զարթոնքի շուրջ։

Սուրբ Պատարագը Հայ Առաքելական Սուրբ Եկեղեցու կենտրոնական արարողությունն է, որը խորհրդանշում է Քրիստոսի փրկագործական զոհաբերությունը։ Սրբազան արարողության ընթացքում հավատացյալները մասնակից են դառնում երկնային ու երկրային կյանքի հոգևոր միավորմանը և կենդանի հանդիպմանը Հիսուս Քրիստոսի հետ։

Արարողության գագաթնակետը հանդիսացավ Սուրբ Հաղորդության խորհուրդը։ Ներկաները, ճաշակելով Քրիստոսի Մարմինն ու Արյունը, ստացան մեղքերի քավություն, հոգևոր վերելք և հավիտենական կյանքի ավետիսը։