ՄԵԾԱՐԱՆՔԻ ԵՐԵԿՈՅ Ի ՊԱՏԻՒ ՊՈԼՍՈՅ «ՄԱՐՄԱՐԱ» ՕՐԱԹԵՐԹԻ ՓՈԽ ԽՄԲԱԳՐԱՊԵՏՈՒՀԻ ՕՐԴ. ՄԱՔՐՈՒՀԻ ՊԻՒՅԻՒՔՅԱԿՈԲԵԱՆԻ
ՄԵԾԱՐԱՆՔԻ ԵՐԵԿՈՅ

Ի ՊԱՏԻՒ ՊՈԼՍՈՅ «ՄԱՐՄԱՐԱ» ՕՐԱԹԵՐԹԻ

ՓՈԽ ԽՄԲԱԳՐԱՊԵՏՈՒՀԻ ՕՐԴ. ՄԱՔՐՈՒՀԻ ՊԻՒՅԻՒՔՅԱԿՈԲԵԱՆԻ

Մարիէթ Մինասեան-Օհանէս

Կազմակերպութեամբ Մշակութային Յանձնախումբի, Պոլսահայ համայնքը 20 Յուլիս 2012,Ուրբաթ, ժամը 19.30ին, Պոլսահայ Միութեան «Հրանդ Տինք» սրահին մէջ ընդունելութիւն մը սարքեց հիւրասիրելու Պոլսոյ «Մարմարա» օրաթերթի փոխ խմբագրապետուհի Օրդ. Մաքրուհի Պիւյիւքյակոբեանը իր Լոս Անճէլըս այցելութեան առթիւ: Ընդունելութեան ներկայ գտնուեցան Պոլսահայ Միութեան Հոգաբարձութեան ատենապետ Իրաւաբան էտվին Մինասեան եւ Հոգաբարձութեան կարգ մը անդամներ, նաեւ Միութեան գործադիր Մարմնի ատենապետ՝ Գուրգէն Պէրքշանլար եւ միութեան անդամներ: Ձեռնարկը սկսաւ համադամ ընթրիքի սպասարկումով, որմէ ետք բարի գալուստի խօսքը արտասանեց Մշակութային Յանձնախումբի ատենապետ՝

Տոքթ. Յովհաննէս Գ. Աւետիքեան, որ մի առ մի ներկաները ծանօթացուց օրուայ հիւրին, ապա ընթերցեց անոր կենսագրականը, եւ հրաւիրեց Հոգաբարձութեան ատենապետ՝ Իրաւաբան էտվին Մինասեանը որ իր խօսքին մէջ նշեց կարեւորութիւնը Պոլսոյ հետ փոխադարձ կապին, ուրախութիւն եւ փափաք յայտնեց նոր սերունդներուն այս կեդրոնին մէջ ըլլալը, պահելու համար հայ մշակոյթը: Խօսքը տրուեցաւ նախ Միութեան Գործադիր Մարմնի ատենապետ՝ Տիար Գուրգէն Պէրքշանլարի որ «հպարտանք» որակեց Պոլսոյ մէջ կատարուած առողջ եւ աշխոյժ աշխատանքները որ Պոլսահայ մշակոյթին իրականութիւնն ու գոյատեւումը կը ներկայացնէ: Ան ներկաներուն իր ուրախութիւնն ու հաճոյքը յայտնեց հիւրասիրութեան համար «Պոլսահայոց Տան» մէջ:

Խօսք առաւ օրուայ հիւրը Օրդ. Մաքրուհի Պիւյիւքյակոբեան որ նախ իր շնորհակալութիւնը յայտնեց որ այսպիսի գեղեցիկ հաւաքոյթով մը ու փայլուն խօսքերով զինք պատուեցին: Ան ըսաւ թէ «Եկած եմ այն հողերէն ուր մենք կ՛ապրինք այսօր որ մեր նախնիքներուն հարազատ հողը եղաւ, որ մեզի ծնունդ տուին ու սնուցանեցին կարօտի զգացումով մէկտեղուելով: Մենք Պոլսահայերս որպէս մեր հայ ժողովուրդի կորիզային տարրը, հպարտօրէն կը խոստովանինք որ օժտուած ենք առաւել մասնայատկութեամբ մը, ունենալով պատմական հարուստ ենթահող՝ որմէ կ՛առնենք մեր աւիշը»:

Օրդ. Մաքրուհի բացատրութիւններ տուաւ Պոլսոյ հայկական երգչախումբերու սարքած համերգներուն եւ պարախումբերուն ներկայացուցած ելոյթներուն մասին, Մամուլին, Մարմարա, Ժամանակ օրաթերթերուն ինչպէս նաեւ «Ակօս» շաբաթաթերթին, «Ս. Փրկիչ» ամսաթերթին, «Ժպիտ» մանկաթերթին եւ «Փարոս» ամսաթերթին մասին:

Ինչպէս նաեւ Մարմարայի անձնակազմին՝ գլխաւորութեամբ Րոպէր Հատտէճեանի որուն խօսքին եւ գրչին ընդմէջէն Մարմարա օրաթերթը Պոլսահայոց պատկերը կը բանայ մեր դիմաց: Օրդ. Մաքրուհի յատնեց թէ հայապահպանման ու զարգացման համար գերագոյն ճիգ կը տարուի որովհետեւ հայախօսութիւնը որոշ չափով նահանջած է եւ նոր սերունդին անտարբերութիւնը համատարած բնոյթ ստացած է: Ան խօսեցաւ նաեւ Ս. Փրկիչ Ազգային հիւանդանոցի բաժանմունքներուն եւ արձանագրած յառաջդիմութիւններուն մասին, այն աստիճան որ ան սկսած է օտարներուն նախանձը գրգռել: Բացատրութիւններ տուաւ նաեւ հայկական վարժարաններուն, ուսուցիչներուն, եկեղեցիներուն, ինչպէս նաեւ Հայաստանի իրադարձութիւններուն նկատմամբ իրենց մօտէն հետեւումին եւ այնտեղ տեղի ունեցող մշակութային եւ քաղաքական լուրերուն արձագանքին մասին, նաեւ Հայաստան-Սփիւռք նախարարութեան հետ իրենց ունեցած սերտ կապերուն մասին: Հիւրին խօսքի աւարտումով տեղի ունեցաւ հարց-պատասխանի պահ, որուն ընթացքին հարց տրուեցաւ Պոլսոյ ազգային հաստատութիւններուն իրար օգնելու ջանքերուն մասին որոնց համար Օրդ. Պիւյիւքյակոբեան պատասխանեց թէ՝ թէեւ աւելի բարօր վիճակի մէջ են սակայն տակաւին յստակ աշխատանք մը չկայ: Այլ հարցումի մը թէ Գարակէօզեան եւ Թոքաթլեանզոյգ կառոյցներու շինարարութիւնը որոնք չեն կառուցուած պոլսահայ շինարարութեան յանձնառուներու կողմէ, քննադատութիւններու դռներ բանալով, Օրդ. Մաքրուհի պատասխանեց թէ շէնքին նիւթական ծախսին համար պէտք եղած գումարի գոյացման անկարելիութիւնն էր պատճառը: Այդ գիշեր ներկայ եղող Էսայեան Վարժարանի Սանուց Յանձնախումբի անունով, ատենապետուհի Տիկին Ալին Տօնիկեան Յանձնախումբի անունով շնորհաւորեց հիւրին գալուստը: Միութեան Մշակութային Յանձնախումբի ատենապետը Տոքթ. Աւետիքեան Օրդ. Մաքրուհիին յանձնեց յուշանուէր հատոր մը իր այս այցելութեան առթիւ:

Ձեռնարկը իր աւարտին հասաւ ներկաներուն հոգիներուն մէջ դրոշմուած մնալով Պոլսոյ «Մարմարա» օրաթերթի էջերը որոնք հայելիի նման կը ցոլացնեն Պոլսահայոց կեանքին ամբողջ պատկերը անոր անձնակազմին հոգիներուն եւ սրտերուն մէջէն եկող խօսքի եւ գրչի վկայութեամբ:

THE ORGANIZATION OF ISTANBUL ARMENIANS

HOSTS THE DEPUTY EDITOR IN CHIEF OF THE “MARMARA” DAILY NEWSPAPER IN ISTANBUL MISS MAKRUHI BUYUKHAGOPIAN

By Mariette Minassian-Okhanes

The Cultural Committee of OIA in Los Angeles hosted a discussion with Miss Makruhi BuyukHagopian, the Deputy Editor in Chief of the “Marmara” daily in Istanbul on Friday, July 20, 2012 at OIA’s “Hrant Dink Lecture” Hall. The event started with a dinner in honor of Miss BuyukHagopian. After the dinner, the Chairman of OIA Cultural Committee welcomed the audience, and introduced them one by one to Miss Buyukhagopian. After reading her brief biography, the Chairman of OIA Board of Trustees Edvin Minassian, Esq., highlighted the importance of the mutual ties between Los Angeles and Istanbul. The President of OIA Executive Board Mr. Kurken Berksanlar said that the healthy and encouraging ongoing efforts in Istanbul preserve the reality and the existence of the Istanbul Armenian culture, giving us pride and delight.

Miss Makruhi BuyukHagopian expressed her thanks to the organizers of this event and recounted the various facets of life in Istanbul Armenian community, stating that the community currently had one weekly (Agos) and two daily (Marmara and Jamanag) newspapers.” Then she talked about the schools, churches, associations, and institutions operating in the community as well as their concerns about the cultural and political events between Armenia and Diaspora.

A question/answer session followed the discussion, and a book was presented to her on behalf of the OIA by the Chairman of the Cultural Committee Dr. Ohannes K. Avedikyan.

Garbis Sarafian
Los Angeles