Ըստ թուրքական «Հյուրրիյեթ» (Hurriyet) օրաթերթի` Դիարբեքիրի քաղաքապետը հանդես է եկել մի շարք ցնցող հայտարարություններով: Լրագրողների հետ հանդիպման ժամանակ նա մասնավորապես ասել է, որ քուրդ ժողովուրդը ցանկանում է վարչական և քաղաքական կարգավիճակ ունենալ: Ըստ Բայդեմիրի` հյուսիսիրաքյան ինքնավար Քուրդիստանի պես քրդական ինքնավարություններ են ստեղծվելու նաև Իրանում, Թուրքիայում և Սիրայում:
«Անհրաժեշտ է, որ հանվեն Թուրքիայի սահմանակետերը Իրանի, Իրաքի, Սիրիայի, Հայաստանի և Հորդանանի հետ: Պետք է միասնական մաքսային համակարգի անցնել, ընդհանուր դրամական միավորի գործածել, վարչաքաղաքական ընդհանուր սիստեմ ունենալ, ճիշտ այնպես, ինչպես Եվրոպական միությունն է: Կարծում եմ` սա է փրկության միակ ճանապարհը: Կռվելու ու միմյանց մերժելու մեջ ոչ մի փրկություն չկա»,- ասել է Դիարբեքիրի քաղաքապետը: