Հռոմի Ֆրանչիսկոս պապը հանդէս եկած է «Հայր մեր» աղօթքը փոխելու օգտին: Այս մասին, ըստ |Armenpress.am-ի, յայտնած է Daily Mail-ը:

Քահանայապետին կարծիքով` մեկնելով աղօթքի անգլերէն եւ շարք մը այլ լեզուներով թարգմանութենէն` կարելի է կարծել, թէ «Աստուած կ՝ընտրէ` փորձութեան կ՝ենթարկէ մեզ, թէ` ոչ»:

«Ատիկա լաւ թարգմանութիւն չէ, որովհետեւ կ՝ակնարկէ, որ Աստուած կը դրդէ գայթակղութեան»,- յայտարարած է Հռոմի պապը: Ֆրանչիսկոս պապը յիշեցուցած է, որ Ֆրանսայի մէջ արդէն փոխած են աղօթքին բառերը, որ այժմ կ՝ըսէ «թոյլ մի՛ տար մեզի փորձութեան ենթարկուելու»:

Այդ թարգմանութեան մէջ, նշած է քահանայապետը, գայթակղութեան ամբողջ մեղքը ինկած է մարդու վրայ: «Հայր մեր» աղօթքը, Աւետարանի համաձայն, իր աշակերտներուն տուած է Յիսուս Քրիստոսը ի պատասխան անոնց աղօթք սորվեցնելու խնդրանքի: Բնագրի լեզուին մէջ աղօթքը կորուստի մատնուած է, եւ, ըստ «ՌԻԱ Նովըստի»-ի, պահպանուած բառերէն ամենահիները գրուած են հին յունական կոյնէով։