Թուրքիոյ փոխվարչապետ Նուման Քուրթուլմուշ 3 յունուարին թրքական կառավարութեան նիստէն ետք յայտարարեց, որ արտակարգ դրութիւնը պիտի երկարաձգուի յաւելեալ երեք ամիսով: Թուրքիոյ խորհրդարանը երէկ հաւանութիւն տուաւ այդ որոշումին:

Քուրթուլմուշ լրագրողներուն յայտնեց, որ նախարարները որոշած են, որ խորհրդարանի հաւանութիւնը ստանալէ ետք արտակարգ դրութիւնը 19 յունուարէն սկսեալ երկարաձգեն 90 օրով:

Ան այդ որոշումը վերագրեց կառավարական հաստատութիւններու մէջ «Կիւլենականներու ահաբեկչական կազմակերպութեան» (ՖԵԹՕ) ներկայութեան: «Պետութեան` ՖԵԹՕ-ի անդամ տարրերէ մաքրագործումը տակաւին չէ ամբողջացած: Պէտք է արտակարգ դրութիւնը գործադրենք մինչեւ որ պետութիւնը ՖԵԹՕ-էն եւ բոլոր ահաբեկչական խմբաւորումներէն մաքրագործելը», ըսաւ ան:

�