Թուրքիոյ պաշտպանութեան նախարարութիւնը յայտարարեց, որ Լեռնային Ղարաբաղի մէջ կացութիւնը վերահսկելու համար Ռուսիոյ հետ միացեալ կեդրոնի կառուցումը պիտի շարունակուի:

«Թուրքիոյ եւ Ռուսիոյ կողմէ ստորագրուած համաձայնագիրին համապատասխան` քայլերու կը ձեռնարկուին զինադադարի դրութեան հսկողութեան եւ վերահսկման կեդրոնի կառուցման ուղղութեամբ: Աշխատանքները կը շարունակուին Ռուսիոյ եւ Ազրպէյճանի հետ համաձայնաբար», նշուած է հաղորդագրութեան մէջ:

Թուրքիոյ պաշտպանութեան նախարար Հուլուսի Աքար նոյեմբերի սկիզբը յայտարարած էր, որ ռուս եւ թուրք զինուորները «շուտով իրենց պարտականութիւնները պիտի ստանձնեն» Լեռնային Ղարաբաղի միացեալ կեդրոնին մէջ: