Արտաքին գործոց նախարարներ Էդվարդ Նալպանտեան և Ճուլի Պիշոփ ուղերձներ փոխանակեցին՝ Հայաստանի Հանրապետութեան և Աւստրալիոյ Միութեան միջեւ դիւանագիտական յարաբերութիւններու հաստատման 25-ամեակի առնչութեամբ:

Նախարար Նալպանտեան իր ուղերձին մէջ կը նշէ, որ միջպետական յարաբերութիւններու սկզբնաւորումէն ի վեր մեր պետութիւնները յաջողած են ձեւաւորել վստահութեան և յարգանքի վրայ հիմնուած ամուր և անկեղծ գործընկերութիւն: Հայաստանի արտաքին գործոց նախարարը վստահութիւն կը յայտնէ, որ առկայ է յարաբերութիւնները զարգացնելու մեծ ներուժ, ինչին կը ծառայեն քաղաքական երկխօսութեան ընդլայնումը, մարդկային շփումները, իրավապայմանագրային դաշտի զարգացումը:

Նախարար Պիշոփ իր ուղերձին մէջ կը նշէ, որ նախորդ 25 տարիներու ընթացքին Հայաստանը և Աւստրալիան ունեցած են ջերմ եւ բարեկամական յարաբերութիւններ՝ հիմնուած մարդկային ամուր կապերու և միջազգային խաղաղութեան ու անվտանգութեան հարցերով միասնական շահերու վրայ: Աւստրալիոյ արտաքին գործոց նախարարը կ՛աւելցնէ, որ մեր համատեղ ջանքերը նպաստած են՝ զարգացնելու լայն քաղաքական, տնտեսական, մարդասիրական եւ բնապահպանական օրակարգ՝ եւ երկկողմ, եւ բազմակողմ ձեւաչափերով:

Երկու նախարարները գոհունակութեամբ կը նշեն միջազգային կազմակերպութիւններու մէջ հաստատուած սերտ փոխգործակցութիւնը:

Էդվարդ Նալպանտեան եւ Ճուլի Պիշոփ բարձր կը գնահատեն Աւստրալիոյ հայութեան դերը երկու պետութիւններու միջեւ յարաբերութիւններու զարգացման գործին:

Հայաստանի եւ Աւստրալիոյ ԱԳ նախարարները վստահութիւն կը յայտնեն, որ համատեղ ջանքերով մեր պետութիւններու միջև բարեկամական յարաբերութիւնները առաւել կ’ընդլայնուին եւ կը խորանան:

�