Սուրիոյ քրտական Ժողովրդավարական միութիւն կուսակցութեան ղեկավար Սալեհ Մուսլիմ յայտնեց, որ իր գլխաւոր նպատակը սուրիական հողամասերէն «ահաբեկչական խմբաւորումներուն» վտարումն է, իսկ քիւրտերը երկրին հիւսիսը անկախ պետութեան մը հաստատման չեն ձգտիր:

«Սուրիոյ քիւրտերը կը ձգտին Սուրիոյ մէջ իրենց սահմանադրական իրաւունքներուն ապահովման: Անոնք թրքական սահմանին մօտ անկախ պետութիւն մը չեն ուզեր», յայտարարեց Մուսլիմ:

Քրտական կուսակցութեան ղեկավարը ըսաւ, որ Անգարան «քիւրտոֆոպիա»-է կը տառապի եւ իր իրաւունքներուն տիրացող ոեւէ քիւրտ իրեն համար վտանգ կը նկատէ:

Մուսլին ըսաւ, որ Հալէպի գիւղական հիւսիսային շրջանին մէջ գտնուող Ազեզ քաղաքը ներկայիս քրտական ուժերուն համար թիրախ մը չէ` նոյն ատեն հերքելով, որ Սուրիոյ ժողովրդավարական ուժերը քաղաքին տիրելու համար ճակատամարտի ձեռնարկելէ երբեք չեն վախնար:

�