Իսրայէլի վարչապետ Պենիամին Նեթանիահուի գրասենեակը յայտնեց. «Միջազգային քրէական դատարանը ձեւական դատարան մըն է, որ ամերիկացիներու եւ իսրայէլացիներու վրայ որեւէ իրաւական իշխանութիւն չունի: Նեթանիահուի ձերբակալման շինծու հրամանագիրը հրապարակուեցաւ դատարանի նախկին դատախազ Քարիմ Խանի կողմէ, որ քանի մը օր առաջ իր վարկը կորսնցուց, սեռային վատ վարմունքի վերաբերեալ պնդումներու բացայայտումէն ետք»:

«Ատիկա Խանին կողմէ բացայայտ փորձ էր հասարակական կարծիքի ուշադրութիւնը շեղելու եւ հետաքննութենէ ինքզինք պաշտպանելու համար», նշեց գրասենեակը:

«Իսրայէլ Նեթանիահուի ղեկավարութեամբ աննախադէպ պատերազմական միջոցներու ձեռնարկած է` Համասի հետ բախումի ընթացքին քաղաքային բնակչութեան հասցուած վնասը նուազագոյնի հասցնելու համար: Խանի յանցաւոր վարքագիծին աջակցելու փոխարէն, Նիւ Եորքի քաղաքապետ Զահրան Մամտանի պէտք է կեդրոնանայ Նիւ Եորքի մէջ անոր քաղաքականութեան պատճառած վնասը սրբագրելու վրայ», աւելցուց Նեթանիահուի գրասենեակը:

«Ինչպէս Քարիմ Խանին պարագան է, կը թուի, թէ Մամտանի հետաքրքրուած է հանրային կարծիքի ուշադրութիւնը շեղելով իր անմտութիւններէն եւ յարձակում գործելով հրէական ու Միջին Արեւելքի մէջ միակ ժողովրդավարական պետութեան վրայ», նշեց Նեթանիահուի գրասենեակը: