Վիճակագրական ծառայութիւններու յանձնախումբը հրապարակեց 2024ի աղքատութեան ու կենսապայմաններու մասին նոր տեղեկագիր մը, ըստ որու, չքաւորութեան մակարդակը կը շարունակէ աւելնալ։ Հրապարակուած տուեալներու համաձայն, ամէն 100 հոգիէն 29ը կարիքաւոր է, 100 հոգիէն 86ը ունի նիւթական խնդիրներ։

Չքաւորութեան ցուցանիշը բարձր է յատկապէս մինչեւ 17 տարեկաններու եւ 65էն բարձր տարիք ունեցողներու ընտանիքներու մէջ։

Ծայրայեղ աղքատներու թիւը 3.6 միլիոն է։ Թէեւ երկրի մէջ կ'իրականանան ընկերային աջակցութեան ծրագիրներ, սակայն գնաճի պայմաններու տակ այդ օժանդակութիւններ անբաւարար կը մնան։