Հայերէն :
20 Temmuz 2023
Քաղդէացի Կաթոլիկ Եկեղեցւոյ Պատրիարքի Այցը - 
Քաղդէացի Կաթոլիկ եկեղեցւոյ Պատրիարք Կարտինալ Մար Րաֆայէլ Լուիս Սաքօ, 18 Յուլիս 2023, Երեքշաբթի, ժամը 10.45ին այցելեց Հայոց Պատրիարքարան։ Հիւր Հոգեւոր Պետին կ’ըներանար բազմանդամ պատուիրակութիւն մը, որուն մաս կը կազմէր քաղաքիս Քաղդէացի Կաթոլիկ եկեղեցւոյ նորոգ ձեռնադրեալ առաջնորդ Մոնս. Սապրի Անար Եպիսկոպոսը։
Ն.Ա.Տ. Սահակ Բ. Պատրիարք Հայրը, իր կողքին ունենալով Գերշ. Տ. Արամ Ս. Արքեպս. Աթէշեանը եւ Աթոռոյս միաբաններն ու քահանայ հայրերը, հիւր Պատրիարքը դիմաւորեց Ս. Աստուածածին Աթոռանիստ Մայր Տաճարի մուտքին, ուր երկու հոգեւոր պետեր ողջագուրուեցան։ Ապա կազմուած թափորը Հրաշափառով տաճար առաջնորդեց զոյգ հոգեւոր պետերը եւ կատարուեցաւ ուխտի աղօթք։
Այստեղ մեր Հոգեւոր Պետը ուղերձով մը բարի գալուստ մաղթեց Քաղդէացի Կաթոլիկ եկեղեցւոյ հոգեւոր պետին եւ ընկերակիցներուն եւ իր ուրախութիւնը յայտնեց Հայոց Պատրիարքանիստ Մայր Տաճարի կամարներուն ներքեւ կայացած սոյն պատմական այցելութեան համար։
Ապա խօսք առաւ Կարտինալ Մար Րաֆայէլ Լուիս Ա. Պատրիարքը եւ իր ջերմ ողջոյնները յղեց Ամեն. Ս. Պատրիարք Հօր ու շնորհակալութիւն յայտնեց ընծայուած հանդիսաւոր դիմաւորման եւ ընդունելութեան համար։
Հիւր պատուիրակութեան շարականի երգեցողութենէն ետք, անգամ մը եւս թափոր կազմուեցաւ եւ երկու հոգեւոր պետեր առաջնորդուեցան Պատրիարքարանի դահլիճը։ Յետ հիւրասիրութեան, այստեղ երկու հոգեւոր պետեր եւ իրենց ընկերակիցներ առիթն ունեցան զրուցելու։
Կարտինալ Մար Րաֆայէլ Լուիս Պատրիարքի նուէրին փոխադարցեց Ամեն. Ս. Պատրիարք Հայրը եւ իրեն նուիրեց մեր եկեղեցական գոյքերու մասին անգլերէն հատոր մը եւ փայտեայ ձեռագործ ծաղկաման մը, իսկ նորոգ ձեռնադրեալ Մոնս. Սապրի Անար Եպիսկոպոսին՝ գեղեցիկ լանջախաչ մը։
Ն.Ա.Տ. Սահակ Բ. Պատրիարք Հայրը, իր կողքին ունենալով Գերշ. Տ. Արամ Ս. Արքեպս. Աթէշեանը եւ Աթոռոյս միաբաններն ու քահանայ հայրերը, հիւր Պատրիարքը դիմաւորեց Ս. Աստուածածին Աթոռանիստ Մայր Տաճարի մուտքին, ուր երկու հոգեւոր պետեր ողջագուրուեցան։ Ապա կազմուած թափորը Հրաշափառով տաճար առաջնորդեց զոյգ հոգեւոր պետերը եւ կատարուեցաւ ուխտի աղօթք։
Այստեղ մեր Հոգեւոր Պետը ուղերձով մը բարի գալուստ մաղթեց Քաղդէացի Կաթոլիկ եկեղեցւոյ հոգեւոր պետին եւ ընկերակիցներուն եւ իր ուրախութիւնը յայտնեց Հայոց Պատրիարքանիստ Մայր Տաճարի կամարներուն ներքեւ կայացած սոյն պատմական այցելութեան համար։
Ապա խօսք առաւ Կարտինալ Մար Րաֆայէլ Լուիս Ա. Պատրիարքը եւ իր ջերմ ողջոյնները յղեց Ամեն. Ս. Պատրիարք Հօր ու շնորհակալութիւն յայտնեց ընծայուած հանդիսաւոր դիմաւորման եւ ընդունելութեան համար։
Հիւր պատուիրակութեան շարականի երգեցողութենէն ետք, անգամ մը եւս թափոր կազմուեցաւ եւ երկու հոգեւոր պետեր առաջնորդուեցան Պատրիարքարանի դահլիճը։ Յետ հիւրասիրութեան, այստեղ երկու հոգեւոր պետեր եւ իրենց ընկերակիցներ առիթն ունեցան զրուցելու։
Կարտինալ Մար Րաֆայէլ Լուիս Պատրիարքի նուէրին փոխադարցեց Ամեն. Ս. Պատրիարք Հայրը եւ իրեն նուիրեց մեր եկեղեցական գոյքերու մասին անգլերէն հատոր մը եւ փայտեայ ձեռագործ ծաղկաման մը, իսկ նորոգ ձեռնադրեալ Մոնս. Սապրի Անար Եպիսկոպոսին՝ գեղեցիկ լանջախաչ մը։
Bu haber trhaybad kaynağından gelmektedir.
Haber metninde yer alan görüşler haber kaynağı (trhaybad) ve yazarına ait olup,
bolsohays.com sitesi haber hakkında herhangi bir görüş üstlenmemektedir.
Opinions expressed are those of the author(s)-(trhaybad). They do not purport to reflect the opinions or views of bolsohays.com
Diğer Haberler
-
Սուրբ եւ Անմահ Պատարագ
-
Տօքթ. Մարտիրոս Ենիեորկանի Փառաշուք Յուղարկաւորութիւնը
-
Սուրբ եւ Անմահ Պատարագ
-
Ատրպէյճան Դադիվանքը Յանձնած Է Ուտիներու Տնօրինութեան
-
Մահ՝ Երաժիշտ Պերճ Մինասեանի
-
Ոչ Եւս Է Թերթիս Աշխատակից, Տօքթ. Մարտիրոս Ենիեորկան
-
Ոչ Եւս Է Թերթիս Աշխատակից, Տօքթ. Մարտիրոս Ենիեորկան
-
Ասորի Կաթոլիկ Պատրիարքական Փոխանորդի Տասնամեակը
-
Ծայրագոյն Վարդապետական Աստիճաններու Տուչութիւն
-
Հանգիստ՝ Գարեգին Արքեպս.Ի Պէքճեան
-
Ամեն. Ս. Պատրիարք Հայրը Այցելեց Վերժին Շապճըի Ցուցահանդէսը
-
Սուրբ եւ Անմահ Պատարագ
Foto Galeri Tüm Galeriler
Video Galeri Tüm Videolar
Anket Tüm Anketler
Günün Sözü
Զի բաւեր բարիք ընել. պէտք է նաեւ լաւ ընել զայն։