​Փարիզի Մէջ Զապէլ Եսայեանի Անունը Կրող Ծառուղիի Մը Բացումը Կատարուեցաւ - Հայերէն
23 Kasım 2024 - Հակական տոմար - Տարի : 4517 / Ամիս : Տրե / Օր : Ծմակ / Ժամ : Առաւօտ

Հայերէն :

10 Mart 2018  

​Փարիզի Մէջ Զապէլ Եսայեանի Անունը Կրող Ծառուղիի Մը Բացումը Կատարուեցաւ -

​Փարիզի Մէջ Զապէլ Եսայեանի Անունը Կրող Ծառուղիի Մը Բացումը Կատարուեցաւ ​Փարիզի Մէջ Զապէլ Եսայեանի Անունը Կրող Ծառուղիի Մը Բացումը Կատարուեցաւ

8 մարտ 2018-ին, Փարիզի մէջ, Կիներու միջազգային օրուան առիթով, քաղաքապետ Անն Իտալկօ բացումը կատարեց գրող Զապէլ Եսայեանի անունը կրող ծառուղիին: Զապէլ Եսայեանի անունը կրող ծառուղի բանալու մտադրութեան մասին Իտալկօ յայտարարած էր անցեալ տարի, նախագահ Սերժ Սարգսեանի Ֆրանսա կատարած պաշտօնական այցելութեան ընթացքին:

Ծառուղիի բացման արարողութեան ներկայ եղած են Ֆրանսախօս երկիրներու համագործակցութեան հարցերու կարգաւորման պատասխանատու, Փարիզի փոխքաղաքապետ Փաթրիք Կլուքման, Ֆրանսայի մէջ Հայաստանի արտակարգ եւ լիազօր դեսպան Վիգէն Չիտեչեան, Փարիզի 20-րդ եւ 11-րդ թաղամասերու ղեկավարներ Ֆրետերիք Քալանտրա եւ Ֆրանսուա Վոլի:

Ծառուղին տեղակայուած է Մենիլմոնթան պողոտայի սկզբնաւորութեան, ուր կ՛աւարտին Թլեմքէն ու Սփինոզա փողոցները, եւ սկիզբ կ՛առնէ Հանրապետութեան պողոտան:

Զապէլ Եսայեան (1878 – 1943) հայ գրող, թարգմանիչ, հրապարակախօս է: Ան վաւերագրած է 1915 թուականին Օսմանեան կայսրութեան իրագործած Հայոց ցեղասպանութեան սարսափները: Ակնառու են հասարակութեան մէջ կնոջ արժէքն ու դերը լուսարձակի տակ բերող իր գործերը: Զապէլ Եսայեանի ստեղծագործութիւնները թարգմանուած են անգլերէնի, պուլկարերէնի, գերմաներէնի, ռուսերէնի, թրքերէնի եւ ֆրանսերէնի:




Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Anket Tüm Anketler

Günün Sözü


Երբեք չենք կրնար բանի մը ճշմարիտ արժէքը գիտնալ, մինչեւ որ չկորսնցնենք զայն։

+