Թուրք եւ Հայ Ուսումնասիրողները Խոհարարական Նախագիծի Միջոցով Ներկայացուցած են Կարսի եւ Գիւմրիի Մշակու - Հայերէն
17 Ağustos 2018 - Հակական տոմար - Տարի : 4511 / Ամիս : Նավասարդ / Օր : Ասակ / Ժամ : Մթացեալ

Հայերէն :

16 Ocak 2018  

Թուրք եւ Հայ Ուսումնասիրողները Խոհարարական Նախագիծի Միջոցով Ներկայացուցած են Կարսի եւ Գիւմրիի Մշակու

Թուրք եւ Հայ Ուսումնասիրողները Խոհարարական Նախագիծի Միջոցով Ներկայացուցած են Կարսի եւ Գիւմրիի Մշակու Թուրք եւ Հայ Ուսումնասիրողները Խոհարարական Նախագիծի Միջոցով Ներկայացուցած են Կարսի եւ Գիւմրիի Մշակութային Նմանութիւնները
Այժմեան Թուրքիոյ տարածքին գտնուող պատմական Կարս եւ Հայաստանի Գիւմրի քաղաքներու միանման մշակոյթի ու խոհանոցային աւանդոյթներու մասին պատմող «Միասին քի՞չ հաց ու աղ կերած ենք» նախագիծը, որ մեկնարկած է Թուրքիոյ մէջ, ֆիլմի եւ գիրքի տեսքով վերջերս ներկայացուած է Օքսֆորտի համալսարանի կազմակերպած «Ուտելիքն ու խոհարարութիւնը» գիտաժողովին:

Ըստ «Ակօս»-ին՝ նախագիծի ղեկավարներն են Իհսան Քարայազը եւ Արմինէ Աւետիսեանը։

Խումբը նաեւ համագործակցած է Թուրքիոյ մէջ յայտնի գրող Թագուհի Թովմասեանի հետ, որ «Ձեր սեղանը թող միշտ շէն ըլլայ» գիրքի հեղինակն է:

«Ես մօտ 10 տարի ապրած եմ Կարս: ՄԱԿ-ի տարածաշրջանային զբօսաշրջային ծրագրին մասնակցելէ ետք սկսայ հետաքրքրուիլ տեղական մշակոյթի նկատմամբ: Կարսի` այն ժամանակուան իշխանութիւնները սահմանէն այն կողմ համագործակցութեան հարցով շատ լաւ տրամադրուած էին, ամէն տարի փառատօն կը կազմակերպուէր, Հայաստանէն մարդիկ կու գային, ես ալ սկսայ այդ ժամանակ Հայաստան երթալ-գալու»,- «Թերթ»-ի փոխանցմամբ՝ պատմած է Քարայազըն:

Իր խումբին հետ միասին թուրք բանահաւաքը նոյն կերպով ուսումնասիրած է ե՛ւ Կարսի, ե՛ւ Գիւմրիի կանանց պատրաստած ճաշերը, անոնց շուրջ հիւսուող պատմութիւններն ու ընդհանրութիւնները: Սահմանի երկու կողմը եւ իրարու հետ կապ չունենալով ապրող այս մարդիկ աւելի ուշ հնարաւորութիւն ունեցած են հանդիպելու մէկ սեղանի շուրջ` Կարսի մէջ:



Bu haber ..... kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+