Անգարա պիտի շարունակէ ամէն հարցի մէջ աջակցիլ Պաքուին եւ ամրապնդել Ազրպէյճանի հետ յարաբերութիւնները բոլոր մարզերուն մէջ: Այս մասին ազրպէյճանական «Թրենտ» լրատու գործակալութեան յայտնած են Թուրքիոյ նախագահ Ռեճեփ Թայիփ Էրտողանի գրասենեակէն:

Թրքական կողմը անգամ մը եւս շեշտած է, թէ Ազրպէյճան իրենց «ռազմավարական գործընկերն է»:

«Ազրպէյճանն ու Թուրքիան իրարու կապուած են ո՛չ միայն ամուր քաղաքական կապերով ու պատմական արմատներով, այլ նաեւ միացեալ տնտեսական եւ ուժանիւթային նախագիծերով», նշուած է Էրտողանի գրասենեակին տարածած յայտարարութեան մէջ:

Կը հաղորդուի, որ 2017-ի առաջին 7 ամիսներուն ընթացքին Թուրքիոյ հետ Ազրպէյճանի ապրանքաշրջանառութեան ծաւալները հասած են 1,45 միլիառ տոլարի: