Հայկական խեցեգործ իրերու արտադրութեան 100ամեակին առիթով, Երուսաղէմի մէջ բացուած է խեցեգործութեան դպրոց, որ դարձած է քաղաքի մշակոյթի անբաժան մասը:

«Հայկական խեցողէն իրերու 100ամեայ արտադրութիւնը իր շուրջը կը հաւաքէ սուրբ քաղաքի բոլոր դաւանանքի մարդիկը: Երուսաղէմի հայկական համայնքի վարպետներու ձեռքով պատրաստուած յուշանուէրները մեծ համբաւ կը վայելեն կրօնական բոլոր ուղղութիւններու ներկայացուցիչներուն մօտ: Անոնց աշխատանքները կը զարդարեն նաեւ քաղաքի շարք մը ճանչցուած կառոյցներ, որոնց վրայ կախուած են վահանակներ եբրայերէն, արաբերէն եւ անգլերէն», կը գրէ բրիտանական «Թապլեթ» թերթը:

Թերթըկը պատմէ, որ Երուսաղէմի ամէնէն շատ ճանչցուած խեցեգործ վարպետը 50ամեայ Յակոբ Գարագաշեանն է: Ան այդ արհեստը սորված է իր մեծ հօրմէն, որ փրկուած է Հայոց Ցեղասպանութենէն:

«Մենք յոյս ունինք, որ քաղաքին մէջ խաղաղութիւն կը հաստատուի եւ մենք կը կարենանք խաղաղ պայմաններու մէջ աշխատիլ: Այս պահուն իմ աշակերտս՝ 15ամեայ թոռնուհիս է: Ան կը պահպանէ ընտանեկան աւանդոյթները, որ պիտի փոխանցէ յաջորդ սերունդներուն: Մեր արտադրանքը դարձած է Երուսաղէմի խորհրդանիշը, որուն համար մենք շՏ ուրախ ենք», ըստ «Ռուարմինֆօ»ի՝ կը պատմէ Յակոբ Գարագաշեան:

Երուսաղէմի մէջ կ՛ապրին շուրջ 25 հազար հայեր: Մեծամասնութիւնը Հայ առաքելական եկեղեցւոյ հետեւորդ է: