Վագըֆ Գիւղին Մէջ Շուտով Պիտի Կատարուի Ազգապատկան Նոր Կեդրոնին Բացումը - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Լուսակն

Հայերէն :

08 Ağustos 2017  

Վագըֆ Գիւղին Մէջ Շուտով Պիտի Կատարուի Ազգապատկան Նոր Կեդրոնին Բացումը -

Վագըֆ Գիւղին Մէջ Շուտով Պիտի Կատարուի Ազգապատկան Նոր Կեդրոնին Բացումը Վագըֆ Գիւղին Մէջ Շուտով Պիտի Կատարուի Ազգապատկան Նոր Կեդրոնին Բացումը

Ծանօթ ազգային Միհրան Ուլիկեան, որ 1997-ին հիմնովին բարենորոգած էր Վագըֆ գիւղի Ս. Աստուածածին եկեղեցին, յետագային, իբրեւ ձեռնարկի գլխաւոր հսկիչ, իր շուրջ համախմբելով համայնքէն այլ բարերարներ՝ եկեղեցիին կից 1000 քառակուսի մեթր տարածքին վրայ ձեռնարկեց ազգապատկան հսկայ կառոյցի մը շինութեան։ Այս կառոյցը պիտի ծառայէր համախմբելու տեղւոյն հայութիւնը, ընդունելու այլ տեղերէ հիւրեր, ծանօթացնելու տեղւոյն հայ բնակիչներու արտադրութիւնները, մէկ խօսքով՝ պիտի ըլլար ազգային եւ մշակութային առումով կեդրոն մը։ Կառոյցին հիմնարկէքը կատարուեցաւ 2014-ին։ Այս արարողութեան մասնակցեցան տեղւոյն քաղաքապետը, նահանգապետը եւ վագըֆներու ընդհանուր տնօրէնը։

Ըստ պոլսահայ «Մարմարա» թերթին՝ Ուլիկեան կը տեղեկացնէ, թէ ներկայիս այս ծրագիրը իր աւարտին հասնելու մօտ է։ Շէնքէն ներս կառուցուած է 150 անձ ընդունելու յարմար հաւաքասրահ մը, հոգեւորականի յատուկ սենեակ մը, 9 հիւրասրահներ, կանանց աշխատութեան համար հաւաքասրահ, տեղացիներու արտադրութիւններու վաճառքին ծառայող սրահ, որուն գործածութեան համար արտօնագիր առնուած է, ինչպէս նաեւ «Մուսա Տաղ» անունով թանգարան մը, որուն մէջ պիտի պաշտօնավարէ տեղւոյն Թաղային խորհուրդի ատենապետ Ճեմ Չափարի կողակիցը՝ Լորա Պայթար-Չափար, որ ներկայիս կը գործէ Անթաքիոյ թանգարանին մէջ։ Թանգարանին մէջ պիտի ցուցադրուին Անթաքիոյ տարածքին ապրած անձերէ մնացած իրեղէն, պատկերներ եւ վաւերաթուղթեր։ Շէնքին մէջ կան բնականաբար այլ բաժանումներ եւս՝ հարկաւոր կարիքներու համար։

Շէնքին բացումը պիտի կատարուի Կիրակի, Սեպտեմբեր 17-ին, Ս. Խաչի տօնին, որ մուսալեռցիներուն համար Մուսա լեռը դատարկելու եւ այլուր մեկնելու յիշատակի աւանդական հանդիսութեան օրն է։ Այդ տօնը պիտի նշուի մեծաշուք արարողութիւններով, Պոլիսէն եւ արտասահմանէն հիւրերու ներկայութեամբ։

Օգոստոս 13-ին, Ս. Աստուածածնայ Խաղողօրհնէքի տօնին նաեւ, Վագըֆ գիւղի Ս. Աստուածածին եկեղեցւոյ մէջ աւանդական շուքով արարողութիւններ պիտի կատարուին։ Օր մը առաջ, Շաբաթ գիշեր, պիտի պատրաստուի 7 կաթսայ հերիսայ, որ յաջորդ օր պիտի բաժնուի ժողովուրդին։ Արարողութիւններուն պիտի հանդիսապետէ պատրիարքական տեղապահ Գարեգին արք. Պէքճեան։ Ներկայ պիտի գտնուի նաեւ Սահակ եպս. Մաշալեան։

Միւս կողմէ, ինչպէս ամէն տարի, այս տարի եւս Վագըֆ գիւղի հայերը Օգոստոս 26-ին պիտի այցելեն Գնալըի Ս. Գրիգոր Լուսաւորիչ եկեղեցին, ուր Շաբաթ գիշեր երկու կաթսաներով հերիսայ պիտի պատրաստեն։ Մինչ այդ, պիտի սարքուի խրախճանք՝ երգերով ու պարերով։ Յաջորդ օր, Կիրակի, Ս. պատարագ պիտի մատուցուի, ապա հերիսայ պիտի բաժնուի ժողովուրդին։ Այս առիթով, Վագըֆի բնակիչները իրենց արտադրութիւնները պիտի ներկայացնեն ժողովուրդին։




Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+