​Թուրք Ազգայնամոլները Կը Յարձակին Էրտողանի Այցելութեան Դէմ Բողոքող Խաղաղ Ցուցարարներուն Վրայ - Հայերէն
23 Kasım 2017 - Հակական տոմար - Տարի : 4510 / Ամիս : Տրե / Օր : Ծմակ / Ժամ : Աղջամուղջ

Հայերէն :

17 Mayıs 2017  

​Թուրք Ազգայնամոլները Կը Յարձակին Էրտողանի Այցելութեան Դէմ Բողոքող Խաղաղ Ցուցարարներուն Վրայ

​Թուրք Ազգայնամոլները Կը Յարձակին Էրտողանի Այցելութեան Դէմ Բողոքող Խաղաղ Ցուցարարներուն Վրայ ​Թուրք Ազգայնամոլները Կը Յարձակին Էրտողանի Այցելութեան Դէմ Բողոքող Խաղաղ Ցուցարարներուն Վրայ
16 մայիսի յետմիջօրէին Միացեալ Նահանգներ այցելող Թուրքիոյ նախագահ Ռեճեփ Թայիփ Էրտողանի դէմ Ուաշիկթընի մէջ կազմակերպուած խաղաղ ցոյցի մը մասնակիցները թիրախ դարձան խումբ մը թուրք ազգայնամոլներու վայրագ յարձակումներուն, որոնց իբրեւ հետեւանք քանի մը վիրաւորուած ցուցարարներ հիւանդանոց փոխադրուեցան:

«Ամերիկայի մայրաքաղաքին մէջ նման յարձակումներ ակնկալելի չեն, թէեւ անոնք սովորական են Էրտողանի Թուրքիոյ եւ այլ բռնատիրական երկիրներու մէջ: Թուրքիա կը փորձէ իր անհանդուրժականութիւնը Միացեալ Նահանգներ փոխադրել», յայտարարեց Ամերիկայի Հայ դատի յանձնախումբի գործադիր վարիչ Արամ Համբարեան, որ յարձակումին մէկ մասը տեսագրելով զետեղած է Հայ դատի Դիմատետրի էջին վրայ` հետեւեալ հասցէին` www.facebook.com/ancagrassroots:

Նշենք, որ Էրտողանի պաշտօնական այցելութեան դէմ ցոյցը սկսած է Լաֆայէթ հրապարակէն, իսկ յարձակումը տեղի ունեցած է Ուաշինկթընի մէջ Թուրքիոյ դեսպանին բնակարանին մօտակայքը:

Ցոյցը կազմակերպուած էր Ամերիկայի Հայ դատի յանձնախումբին, Ամերիկայի Հելենական խորհուրդին եւ շարք մը այլ քրտական, ասորական եւ յունական կազմակերպութեանց կողմէ:

Bu haber ..... kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+