Երէկ Սոչիի մէջ տեղի ունեցած Փութին-Էրտողան հանդիպումէն ետք մամլոյ ասուլիսի մը ընթացքին, Ռուսիոյ նախագահ Վլատիմիր Փութին ըսած է, թէ Մոսկուայի եւ Անգարայի միջեւ յարաբերութիւնները վերականգնած են ճգնաժամէ մը ետք:

Նշենք, թէ նախագահներու մակարդակով տեղի ունեցած հանդիպումը այս տարուան մէջ երկրորդն է: Հանդիպումը նախօրօք ծրագրուած չէր եւ տեղի ունեցած է ռուսական կողմին նախաձեռնութեամբ:

Լրատուամիջոցները կը հաղորդեն, որ Սոչիի մէջ տեղի ունեցած Փութին-Էրտողան հանդիպումին քննարկուած են Սուրիոյ Իտլիպ նահանգին մէջ յատուկ գօտի ստեղծելու հարցը: Նշեալ հարցի քննարկումին մասին մանրամասնութիւններ չկան:

Երկու նախագահները յայտարարած են, որ Սուրիոյ տագնապը պէտք է լուծել դիւանագիտական միջոցներով: