​Պահչելի. «Շատ Սուղ Պիտի Վճարեն». «Շատ Պիտի Զղջան» Կ՛ըսէ Չաւուշօղլու - Հայերէն
26 Nisan 2024 - Հակական տոմար - Տարի : 4516 / Ամիս : Ահեկան / Օր : Նպատ / Ժամ : Հոթապեալ

Հայերէն :

30 Nisan 2017  

​Պահչելի. «Շատ Սուղ Պիտի Վճարեն». «Շատ Պիտի Զղջան» Կ՛ըսէ Չաւուշօղլու -

​Պահչելի. «Շատ Սուղ Պիտի Վճարեն». «Շատ Պիտի Զղջան» Կ՛ըսէ Չաւուշօղլու ​Պահչելի. «Շատ Սուղ Պիտի Վճարեն». «Շատ Պիտի Զղջան» Կ՛ըսէ Չաւուշօղլու

Թուրքիոյ արտաքին գործոց նախարար Մեւլութ Չաւուշօղլու Եւրոպական խորհուրդի Խորհրդարանական վեհաժողովին (ԵԽԽՎ) կողմէ Թուրքիոյ նկատմամբ քաղաքական հսկողութեան վերսկսման որոշումէն ետք քննադատելով ԵԽԽՎ-ն յայտարարած է, որ Եւրոպական միութիւնը երկակի խաղ կը խաղայ:

Թրքական «Տիքեն» կայքը կը հաղորդէ, որ Չաւուշօղլու ըսած է. «Անոնք չեն ուզեր թոյլ տալ, որ մուտք գործենք, սակայն նոյն ատեն չեն ալ ուզեր մեզմէ հեռանալ: Անոնք տակաւին շատ պիտի զղջան»:

Յիշեցնենք, որ օրեր առաջ ԵԽԽՎ-ն որդեգրած էր Թուրքիոյ մէջ ժողովրդավարական կառոյցներու գործունէութեան հսկողութեան վերաբերեալ որոշում մը, որ որդեգրուած է Թուրքիոյ մէջ վերջին շրջանին մարդու իրաւունքներու, մամլոյ ազատութեան, օրէնքի գերակայութեան մարզին մէջ արձանագրուած լուրջ յետընթացի լոյսին տակ:

Թուրքիոյ Ազգայնական շարժում կուսակցութեան ղեկավար Տեւլեթ Պահչելի իր կարգին սպառնացած է ԵԽԽՎ-ին:

«ԵԽԽՎ-ն տակաւին շատ սուղ պիտի վճարէ ատոր համար», յայտարարած է ան` նշելով, որ Թուրքիոյ դէմ տրուած որոշումը անհիմն է եւ անարդար:

Ան նաեւ շեշտած է, որ իրենց կուսակցութիւնը ամբողջովին պատրաստ է աջակցելու իշխանութիւններուն Եւրոպական Միութեան անդամ երկիրներու հետ յարաբերութիւններուն մէջ ձեռնարկուելիք բոլոր քայլերու հարցին մէջ:

Նշենք, որ ԵԽԽՎ-ի որոշումէն ետք Թուրքիոյ իշխող Արդարութիւն եւ բարգաւաճում, ինչպէս նաեւ Ազգայնական շարժում կուսակցութիւններու անդամ երեսփոխանները որոշած են չներկայանալ ԵԽԽՎ-ի նիստերուն:

Էրտողան. «Թուրքիան Պիտի Չճանչնայ Եւրոպական
Խորհուրդի Խորհրդարանական Վեհաժողովի Որոշումը»

Թուրքիոյ նախագահ Ռեճեփ Թայիփ Էրտողան յայտարարած է, որ իրենք պիտի չճանչնան Եւրոպական խորհուրդի Խորհրդարանական վեհաժողովին կողմէ Թուրքիան հսկողութեան տակ առնելու որոշումը:

Էրտողան «Ռոյթըրզ» լրատու գործակալութեան հետ հարցազրոյցի ընթացքին քննադատած է այն երկիրները, որոնք կոչ կ՛ուղղեն վերջ տալու Եւրոպական Միութեան Թուրքիոյ անդամակցութեան շուրջ բանակցութիւններուն: «Այնքան ատեն, որ Եւրոպան անկեղծ կ՛ըլլայ, Թուրքիան հաւատարիմ պիտի մնայ բանակցային հոլովոյթին եւ ի տարբերութիւն Եւրոպական Միութեան` ոչ մէկու երեսին դուռը պիտի փակէ», ըսած է ան:

«Եթէ անոնք արդար չգործեն, մենք ստիպուած այլ ելք պիտի փնտռենք: Ինչո՞ւ պէտք է նորէն սպասենք: Խօսքը կը վերաբերի 54 տարիներու մասին», յայտարարած է Էրտողան` աւելցնելով, որ պատրաստ է իր երկրի` Եւրոպական Միութեան անդամակցութեան հարցը դնելու հանրաքուէի, ինչպէս ատիկա կատարեց օրինակ Բրիտանիան:

«Եւրոպական Միութեան անհրաժեշտ է այնպիսի երկիր, ինչպիսին Թուրքիան է, որ միութիւնը շատ ուժեղ պիտի դարձնէ: Սակայն Եւրոպական Միութեան անդամ երկիրները չեն գիտակցիր ատոր: Անոնց համար շատ դժուար է ընդունիլ մահմետական երկիր», եզրափակած է Էրտողան:

Թուրքիոյ նախագահը անդրադարձած է նաեւ սահմանադրական հանրաքուէին` ըսելով, որ Սահմանադրական դատարանը եւ Մարդկային իրաւանց եւրոպական դատարանը իրաւունք չունին գնահատական տալու հանրաքուէի արդիւնքներուն:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Diğer Haberler

Anket Tüm Anketler

Günün Sözü


Ամէն բան միշտ բարի չէ, բայց ամէն բարի բան մեծ է միշտ։

+