Թուրքիոյ նախագահի խորհրդականներէն մէկը «Ռոյթըրզ» լրատու գործակալութեան յայտնած է, որ իր երկիրը դրամատան մը բարձրաստիճան թուրք պաշտօնատարի մը Միացեալ Նահանգներու մէջ ձերբակալման հարցով պիտի որդեգրէ անհրաժեշտ դիւանագիտական եւ իրաւաբանական միջոցառումները:

Լրատու գործակալութիւնը կը հաղորդէ, որ ամերիկեան իշխանութիւնները թրքական «Հալք» դրամատան բարձրաստիճան պաշտօնատարը ամբաստանած է ոսկիի առեւտրական թուրք-իրանցի Ռիտա Տարրապի հետ մեղսակցութեան յանցանքով: Վերջինս ներկայիս դատի կ՛ենթարկուի:

Թուրքիոյ արդարադատութեան նախարար Պեքիր Պոզտաղ նախապէս յայտարարած էր, որ թրքական դրամատան բարձրաստիճան պաշտօնատարին ձերբակալութիւնը «բացառապէս քաղաքական միջոցառում մըն է»: