Երեւանի մէջ Մարտ 5-ին կայացած է կանանց եւ աղջիկներու սամպոյի Հայաստանի ախոյեանութիւնը:

Այս մասին՝ ըստ «Արցախփրես»-ին՝ տեղեկացուցած է Արցախի ճիւտոյի ֆետերասիոնի գլխաւոր մարզիչ Իւան Ազիզբեկեանը եւ նշած, որ այդ ախոյեանութեան կը մասնակցէին նաեւ արցախցի մարզիկները:

«Կանանց ախոյեանութեան արցախցի մարզիկներէն մրցանակային 1-ին տեղ գրաւած է Սօսէ Բալասանեանը (56քկ)` արժանանալով ոսկէ մետալի եւ դրամական պարգեւի, 3-րդ տեղ` Գայիանէ Ազիզբեկեանը (52քկ): Աղջիկներու մրցապայքարին 2-րդ տեղ գրաւած են Ռուզաննա Բալասանեանը (44քկ․) եւ Ժենիա Խաչատրեանը (60քկ․), 3-րդ տեղ` Լիլիթ Եսայեանը (56քկ․)»,- ըսած է Ի. Ազիզբեկեանը եւ ընդգծած, որ ինք` որպէս մարզիչ, գոհ է արդիւնքերէն:

�