Թուրքիոյ փոխվարչապետ եւ կառավարութեան բանբեր Նուման Քուրթուլմուշ քննադատեց, իր կարծիքով Գերմանիոյ քաղաքականութեան մէջ տիրապետող երկակի չափանիշները, Թուրքիոյ ընդդիմադիր Հանրապետական ժողովուրդի կուսակցութեան Գերմանիոյ մէջ թուրքերու մասնակցութեամբ հաւաքներու կազմակերպման արտօնումը եւ նոյն ատեն իր հողերուն վրայ երկու թուրք նախարարներու մասնակցութեամբ հաւաքներու կազմակերպման արգիլումը:

Քուրթուլմուշ «Հրատարակիչներու եւ լրագրողներու ընկերակցութեան կազմակերպութեամբ հաւաքի մը ընթացքին յայտնեց, որ Գերմանիոյ կողմէ թուրք պետական անձնաւորութիւններու մասնակցութեամբ հաւաքներու կազմակերպման արգիլումը «աղէտալի» է:

Թուրքիոյ փոխվարչապետը գնահատեց Հանրապետական ժողովուրդի կուսակցութեան նախկին ղեկավար Տենիզ Պայքալի Գերմանիա այցելութիւնը ջնջելը եւ զայն նկատեց ճիշդ որոշում մը:

Քուրթուլմուշ նաեւ անդրադարձաւ Գերմանիոյ վարչապետ Անկելա Մերքելի` Եգիպտոսի նախագահ Ապտել Ֆաթթահ Սիսիի հետ հանդիպումին` զայն նկատելով «ժողովրդավարութեան հակադրուող եւ յեղաշրջումի հեղինակներուն զօրակցող գերմանական կեցուածքներուն շարունակութիւնը»:

�