Մընպեժի վրայ սուրիական բանակի վերահսկողութեան հաստատման դէմ չենք», յայտարարեց Թուրքիոյ վարչապետ Պինալի Եըլտըրըմ` նշելով. «Սուրիական հողերը պէտք է պատկանին սուրիացիներուն եւ անոնց վերահսկողութեան տակ ըլլան»:

Թուրքիոյ նախագահ Ռեճեփ Թայիփ Էրտողան նախապէս յայտարարած էր, որ հիւսիսային Սուրիոյ մէջ թրքական բանակին «Եփրատի վահան» գործողութեան յաջորդ թիրախը պիտի ըլլայ Մընպեժ քաղաքը եւ քրտական Ժողովրդավարական միութիւն կուսակցութեան ու Ժողովուրդի պաշտպանութեան ջոկատներուն կոչ ուղղած էր հեռանալու քաղաքէն:

Մինչ այդ, քրտական ղեկավարութեամբ Սուրիական ժողովրդավարական ուժերուն պատկանող Մընպեժի զինուորական խորհուրդի ղեկավար Ահմետ Մոհամետ «Պի.Պի.Սի.» ձայնասփիւռի կայանին յայտնեց, որ խորհուրդի զինեալները «Եփրատի վահան» գործողութեան մասնակից ուժերէն 14 զինուորներ սպաննած են, երբ վերջիններս մօտեցած են քաղաքին արեւմուտքը գտնուող գիւղերուն` աւելցնելով, որ երկու կողմերուն միջեւ բուռն բախումները կը շարունակուին:

Ան նշեց, որ Սուրիոյ ժողովրդավարական ուժերը յաջողած են վերատիրանալ Հալէպի արեւելեան գիւղական շրջանին մէջ գտնուող Մընպեժէն արեւմուտք գտնուող Ժապլէ Համրա գիւղին:

�