Չաւուշօղլու. «Յունաստան Պէտք Չէ Փորձէ Թուրքիոյ Համբերութիւնը» - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Հոթապեալ

Հայերէն :

27 Şubat 2017  

Չաւուշօղլու. «Յունաստան Պէտք Չէ Փորձէ Թուրքիոյ Համբերութիւնը» -

Չաւուշօղլու. «Յունաստան Պէտք Չէ Փորձէ Թուրքիոյ Համբերութիւնը» Չաւուշօղլու. «Յունաստան Պէտք Չէ Փորձէ Թուրքիոյ Համբերութիւնը»

Թուրքիոյ արտաքին գործոց նախարար Մեւլութ Չաւուշօղլու երէկ Յունաստանը զգուշացուց Թուրքիոյ համբերութիւնը փորձելէ եւ իր յոյն պաշտօնակից Նիքոս Քոցիասը կոչեց «շփացած մանուկ» մը, իսկ երկու երկիրներուն միջեւ վերջերս յառաջացած լարուածութեան վերաբերեալ վերջինիս յայտարարութիւնները «գրգռիչ» որակեց:

«Ուժի ցուցադրութեան կարիքը չունինք: Անոնք լաւ գիտեն, թէ երբ պէտք ըլլայ, թուրք զինուոր մը ի՛նչ կրնայ ընել: Կառավարութիւնը լաւ գիտէ: Թող այդ մասին ըսեն մասնաւորաբար շփացած մանուկին: Մեր համբերութիւնը պէտք չէ փորձեն», ըսաւ ան:

Քոցիաս թուրք բարձրագոյն ղեկավարութեան վիճելի Իմիա կղզեակ այցելութիւնը քննադատած էր: Թրքական բանակի սպայակոյտի պետ Հուլուսի Աքար 29 յունուարին բանակային բարձրաստիճան սպաներու ընկերակցութեամբ այցելած էր նշեալ կղզին: Երկու երկիրները 1996-ին նշեալ կղզեակին պատճառով պատերազմի եզրին կանգնած էին:

Անդրադառնալով Աթէնքի` Թուրքիոյ մէջ յուլիս 2016-ի յեղաշրջումի փորձէն ետք Յունաստան ապաստանած թուրք զինուորները արտայանձնել մերժելուն, ան ըսաւ. որ ատիկա բարի դրացնութեան եւ բարեկամական յարաբերութիւններու համահունչ չէ: «Դժբախտաբար այդ կեցուածքը մեզի համար անակնկալ չէ: ՔԱԿ-ի ղեկավարը (Ապտուլլա Օճալան, «Ա.») եւս, որ ներկայիս բանտարկուած է, Յունաստանի կողմէ թաքնուած էր», ըսաւ Չաւուշօղլու:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+