Աւանդոյթի համաձայն` աշխարհի տարբեր երկիրներու մէջ Յունուար 13 լոյս 14-­ին կը նշուի Հուլեան` հին տոմարով Նոր Տարին: Հայ Առաքելական Եկեղեցւոյ համար Յունուար 13-­ի խորհուրդին, կարեւորութեան եւ նշանակութեան մասին լրագրողներու հետ այսօր կայացած հանդիպման մը ընթացքին, զրուցած է Արարատեան Հայրապետական թեմի Արաբկիր համայնքի հոգեւոր հովիւ Տէր Բաբգէն քահանայ Հայրապետեան: Այս մասին կը հաղորդէ Armenpress.am-ը։

«Հին տոմարով Նոր տարին Հայ Առաքելական եկեղեցին կը տօնէ իբրեւ Տիրոջ անուանակոչութեան օր»,- նշած է հոգեւոր հովիւը:

Տէր Բաբգէն քահանայ Հայրապետեանի խօսքով` Յունուար 13-­ին Հայաստանի բոլոր եկեղեցիներուն մէջ կը մատուցուի սուրբ պատարագ:

«Անիկա անուանակոչութեան տօն է, երբ կը փառաբանուի Յիսուսը»,- ըսած է քահանան:

Հայրապետեան ընդգծած է, որ նախապէս հայերը հին տոմարով Նոր Տարին չեն նշած, եւ ցանկալի է, որ հանրութիւնը, որ ամսու 13-­ին աշխոյժօրէն կ՝այցելէ եկեղեցի, գիտակից ըլլայ եւ իմանայ, որ Առաքելական Եկեղեցւոյ զաւակները յունուարի 13­ը տօնում են վերածնուելու, նորովի աշխարհն ընկալելու, երջանիկ ըլլալու, Փրկիչին մօտ ըլլալու համար:

«Կը ցանկանամ, որ ամէն Նոր տարուան մենք աւելի շատ մտածենք մեր հոգեւոր զարգացման, հոգեւոր արժէքներու մասին եւ մասնակցինք սուրբ պատարագին, մկրտութեան»,- ­շեշտած է Տէր Բաբգէն քահանայ Հայրապետեան:

Նշենք, որ Յունուար 13-­ը համարժէք է Դեկտեմբեր 31-­ին: Յուլիոս կայսեր սահմանած Հուլեան տոմարէն ետք, նոր` Գրիգորեան տոմարը, հաստատուած է 1582 Հոկտեմբերին: Հռոմի Գրիգոր 13­-րդ պապը նկատած է, որ Հուլեան (հին) տոմարը մինչեւ 16-­րդ դարը տուած է 10 օրուան տարբերութիւն: Այդ տարբերութիւնը յայտնի դարձած է գարնանային գիշերահաւասարէն: Գրիգոր 13­րդ պապը՝ հմուտ աստղաբաշխներու, ժամանակի յայտնի աստղագէտներու եւ մաթեմատիկոսներու օգնութեամբ հաստատած է նոր տոմարը:

�