Արեւմտեան Հայաստանի, ներկայիս Թուրքիոյ տարածքին գտնուող Արարատ լերան մօտ` Աղրը նահանգի Պայազիտ շրջանի Թանկըքթեփէ գիւղի մօտէն անցնող թուրք-իրանեան կազի խողովակաշարին վրայ պայթում տեղի ունեցած է:

Ըստ «Սոնտաքիքա»-ի, դէպքի վայր հասած են մեծ թիւով հրշէջ մեքենաներ: Կարելի եղած է կրակը մարել: Մարդկային վնասներ չեն արձանագրուած:

Մասնագէտները կը փորձեն բացայայտել պայթումին պատճառը:

Կայքը կը յիշեցնէ, որ նախորդ տարի նշեալ կազատարի թրքական հատուածին վրայ դարձեալ տեղի ունեցած էր պայթում մը, որ կատարած էին Քրտական աշխատաւորական կուսակցութեան զինեալները:

�