«Մեհր» լրատու գործակալութիւնը հաղորդեց, որ Իրանի արտաքին գործոց նախարար Մոհամետ Ճաւատ Զարիֆ երէկ առտու Իրանի խորհրդարանի դռնփակ նիստին ընթացքին ներկայացուցած է շրջանային իրադարձութիւնները եւ Լոզանի վերջին ժողովին մէջ Սուրիոյ հարցով արձանագրուած զարգացումները:

Զարիֆ յայտնած է, որ Լոզանի ժողովին մասին իր գնահատումը այն է, որ Սուրիոյ մէջ հանրաքուէ կատարելու համար ներկայ քաղաքական պայմաններու պատրաստութիւն տեղի կ՛ունենայ` աւելցնելով, որ նախապէս հակառակորդ կողմերուն կարծիքով սուրիական տագնապի միակ լուծումը Սուրիոյ նախագահ Պաշշար Ասատը իշխանութենէ հեռացնելն էր, սակայն այսօր անոնք կ՛աշխատին հանրաքուէի կայացման ուղղութեամբ:

Իրանեան դիւանագիտութեան պետը բացատրած է այն պայմանները, որոնք Իրանը մղած են համաձայն գտնուելու Լոզանի ժողովին մասնակցելու: Ան ըսած է, որ իր երկիրը պայման դրած է, որ Լոզանի ժողովին ապահովուի միջազգային հաւասարակշռուած ներկայութիւն, եւ ոչ թէ միայն Քաթարը, Թուրքիան եւ Սէուտական Արաբիան ներկայ գտնուին:

Զարիֆ նշած է, որ հակառակորդ կողմը ընդունած է Իրանի պայմանները, որուն հիմամբ ալ ժողովին մասնակցելու հրաւիրուած են Իրաքն ու Եգիպտոսը:

�