Զուիցերական «Զիւրիխ» երիտասարդական խումբը գլխաւորող Արթուր Պետրոսեանը կը նշանակուի ֆութպոլի Հայաստանի ազգային հաւաքականի գլխաւոր մարզիչ, կը յայտնէ Հֆֆ կայքը:

Հայաստանի հաւաքականի յայտնի ֆութպոլիսը ազգային հաւաքականի գլխաւոր մարզիչի պաշտօնը պիտի զբաղեցնէ նոյեմբերի 1-էն եւ պայմանագիր պիտի կնքէ Հայաստանի ֆութպոլի ֆետերասիոնի հետ:

44-ամեայ Արթուր Պետրոսեանը Հայաստանի հաւաքականի մարզչական շտապին մէջ աշխատած է Եւրօ-2016-ի ընտրական փուլին, երբ ազգային հաւաքականը կը գլխաւորէր զուիցերիացի Պեռնար Շալանտը: Ֆութպոլային ասպարէզի տարիներուն ան 1992-2005 –թուականներուն Հայաստանի հաւաքականին մէջ խաղցած է 70 խաղ եւ ունեցած է 11 կոլ: Պետրոսեանը մարզիչական գործունէութիւնը սկսած է 2006 թուականին:

Յիշեցնենք, որ Հայաստանի հաւաքականի գլխաւոր մարզիչի պաշտօնը թափուր էր Վարուժան Սուքիասեանի հրաժարականէն ետք:

Աշխարհի 2018 թուականի ախոյեանութեան ընտրական փուլի 3 պտոյտին հայկական հաւաքականը պարտուած է Դանիոյ (0:1), Ռումինիոյ (0:5) եւ Լեհաստանին (1:2): ԱԱ-2018-ի ընտրական փուլին Հայաստանի հաւաքականի յաջորդ` տարեվերջեան խաղը նախատեսուած է Նոյեմբեր 11-ին, երբ Երեւանի մէջ անոր մրցակիցը պիտի ըլլայ առաջատար Չեռնոգորիոյ հաւաքականը։

�