Ռուսիոյ Պաշտպանութեան Նախարարը Յայտարարեց Հալէպի Մէջ Օդային Հարուածներուն Դադրեցումը - Հայերէն
15 Eylül 2019 - Հակական տոմար - Տարի : 4512 / Ամիս : Հոռի / Օր : Արամազդ / Ժամ : Ճառագայթեալ

Հայերէն :

19 Ekim 2016  

Ռուսիոյ Պաշտպանութեան Նախարարը Յայտարարեց Հալէպի Մէջ Օդային Հարուածներուն Դադրեցումը

Ռուսիոյ Պաշտպանութեան Նախարարը Յայտարարեց Հալէպի Մէջ Օդային Հարուածներուն Դադրեցումը Ռուսիոյ Պաշտպանութեան Նախարարը Յայտարարեց Հալէպի Մէջ Օդային Հարուածներուն Դադրեցումը

ԹԱՍՍ լրատու գործակալութիւնը կը հաղորդէ, որ Ռուսիոյ պաշտպանութեան նախարար Սերկէյ Շոյկու երէկ յայտարարած է, որ ռուսական եւ սուրիական օդուժերը կը դադրեցնեն Հալէպի մէջ օդային հարուածները:

«Այսօր առաւօտեան ժամը 10:00-էն կը դադրեցուին Ռուսիոյ օդուժի եւ Սուրիոյ օդուժի հարուածները Հալէպի շրջանին մէջ», ըսած է ան` աւելցնելով, որ ատիկա անհրաժեշտ է այսօր «մարդասիրական զինադադար» հաստատելու համար:

«Ռուսիոյ պաշտպանութեան նախարարութիւնը կը յորդորէ այն երկիրները, որոնք ազդեցութիւն ունին Հալէպի արեւելեան մասին մէջ գործող զինեալ խմբաւորումներուն վրայ, համոզել անոնց ղեկավարները` հեռանալու քաղաքէն», ըսած է Շոյկու:

«Մինչեւ «մարդասիրական զինադադար»-ին սկիզբը, սուրիական զօրքերը պիտի քաշուին այնպիսի հեռաւորութեամբ, որ զինեալներուն արտօնութիւն կու տայ` անարգել հեռանալ Հալէպի արեւելեան շրջանէն յատուկ ստեղծուած երկու միջանցքներու ճամբով` Քասթելօ ճամբայով եւ Սուք Խայ շուկայի շրջանին միջոցով», ըսած է ան: Քաղաքայինները պիտի կարենան քաղաքէն հեռանալ վեց միջանցքներով:

Ռուսիոյ պաշտպանութեան նախարարութիւնը երկուշաբթի օր յայտարարեց, թէ հինգշաբթի, 20 հոկտեմբերի առաւօտեան ժամը 8:00-էն մինչեւ կէսօրէ ետք ժամը 4:00 Հալէպի մէջ մարդասիրական զինադադար եւ Ժապհաթ Նուսրայի զինեալներու քաղաքէն դուրս գալու երկու միջանցքներու բացում, նշելով, որ Սուրիոյ եւ Ռուսիոյ օդուժերը այդ ընթացքին պիտի դադրեցնեն օդային հարուածները:

Նախարարութիւնը նաեւ սուրիական զինեալ ընդդիմութեան կոչ ուղղեց` ականազերծելու մարդասիրական միջանցքները, որպէսզի քաղաքայինները կարենան հեռանալ արեւելեան Հալէպէն:



Bu haber ..... kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+