«Ռոյթըրզ» կը հաղորդէ, որ թրքամէտ զինեալներ ՏԱՀԵՇ-ի զինեալներուն հետ բախումներէ ետք գրաւած են սուրիական Տապեք գիւղը:

Նախապէս «Մայատին» արբանեակային պատկերասփիւռի կայանը հաղորդած էր, որ Թուրքիոյ աջակցութիւնը վայելող զինեալները, թրքական հրետանիին եւ օդուժին օժանդակութեամբ գրաւած են հիւսիսային Սուրիոյ մէջ Արշաֆ, Ազիզիյէ, Ղայլանիյէ, Մազարեհ Քուէյթի գիւղերը եւ կը մօտենան Հալէպի հիւսիսային գիւղական շրջանին մէջ գտնուող Տապեք գիւղին:

Մարդկային իրաւանց սուրիական դիտարանը իր կարգին հաղորդեց, որ ՏԱՀԵՇ առանց որեւէ դիմադրութիւն ցոյց տալու նահանջած է դէպի Պապ քաղաքի գիւղական շրջանը, եւ թրքամէտ զինեալները գրաւած են նաեւ Տապեքի մօտ գտնուող Սուրան գիւղը:

«Մայատին» աւելի ուշ հաղորդեց, որ ՏԱՀԵՇ-ի զինեալները ամբողջովին հեռացած են Հալէպի հիւսիսային գիւղական շրջանէն:

�