Սուրիոյ նախագահ Պաշշար Ասատ ռուսական «Քոմսոմոլսքայա Փրաւտա» թերթին տուած հարցազրոյցին ընթացքին յոյս յայտնեց, որ Սուրիոյ տագնապին նկատմամբ Թուրքիոյ քաղաքականութեան փոփոխութեան վրայ Ռուսիա իր ազդեցութիւնը կ՛ունենայ:

13 հոկտեմբերին ռուսական թերթին կատարած հարցազրոյցէն քաղուածքներ հրապարակուած են նախագահական կայքին վրայ:

«Մեր միակ յոյսը կապուած է Ռուսիոյ, այն առումով, որ ան կրնայ ազդել Թուրքիոյ քաղաքականութեան մէջ փոփոխութեան արձանագրութեան վրայ», ըսաւ Սուրիոյ նախագահը:

Այդ պարունակին մէջ նախագահ Ասատ դրական նկատեց Ռուսիոյ եւ Թուրքիոյ միջեւ յարաբերութիւններու բնականոնացումը:

�