Հայերէն :

11 Eylül 2016

Փութին-Էրտողան Հեռաձայնային Հաղորդակցութիւն` Հալէպի Մէջ Զինադուլի Հաստատման Հարցին Շուրջ -

Փութին-Էրտողան Հեռաձայնային Հաղորդակցութիւն` Հալէպի Մէջ Զինադուլի Հաստատման Հարցին Շուրջ

Անատոլու լրատու գործակալութիւնը կը հաղորդէ, որ Ռուսիոյ նախագահ Վլատիմիր Փութին եւ Թուրքիոյ նախագահ Ռեճեփ Թայիփ Էրտողան ունեցած են հեռաձայնային հաղորդակցութիւն մը, որուն ընթացքին, այլ հարցերու կողքին քննարկած են նաեւ Հալէպի խնդիրը:

Անոնք համակարծիք եղած են, որ Հալէպի մէջ վայրկեան առաջ անհրաժեշտ է զինադուլի դրութիւն հաստատել:

Էրտողան նշած է, որ իրենք կ՛ուզեն, որ Հալէպի մէջ զինադուլը հաստատուի մինչեւ 12 հոկտեմբեր եւ իրենք արդէն այդ մասին կը բանակցին Միացեալ Նահանգներու հետ:

Փութին իր կարգին յայտնած է, որ իրենք կարեւոր կը նկատեն թուրք-սուրիական սահմանը ՏԱՀԵՇ-ի անդամ ահաբեկիչներէն մաքրելու խնդիրը, ինչպէս նաեւ իրենց կողմէ ամէն կարելի բան պիտի ընեն, որպէսզի մինչեւ համաձայնուած ժամկէտը Հալէպի մէջ կրակոցները դադրին:

�

Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Önceki Sonraki