Թուրքիոյ արտաքին գործոց նախարար Մեւլութ Չաւուշօղլու զգուշացուց. «Թուրքիան պիտի չկարենայ գաղթականներուն դէպի Եւրոպա հոսքին կասեցումը շարունակել, եթէ մինչեւ հոկտեմբեր թուրքերուն համար (Եւրոպական Միութեան երկիրներ) մուտքի արտօնագիրի դրութիւնը չջնջուի»:

Ան նշեց. «Թուրքիան կատարած է անցեալ մարտին Եւրոպական Միութեան հետ ստորագրուած համաձայնութեան հիմամբ գաղթականներու հոսքը կասեցնելու իր պարտաւորութիւնը, եւ այժմ եւրոպացիները պէտք է յարգեն թուրքերուն Շենկենի գօտի մուտքի արտօնագիրներու դրութիւնը ջնջելու իրենց խոստումը»:

«Եթէ Եւրոպական Միութիւնը իր խոստումներուն կատարման մէջ թերանայ, Թուրքիան չի կրնար շարունակել դէպի Եւրոպա ապօրինի գաղթը առանձինը կասեցնել», յայտնեց թրքական դիւանագիտութեան պետը:

�