Լիբանանեան բանակի գաղտնի սպասարկութեան յատուկ ջոկատ մը, երէկ երեկոյեան ժամը 5:30-ին, Արսալի բարձունքներուն վրայ գործեց որակական գործողութիւն մը, որմէ ետք կրցաւ ձերբակալել ահաբեկիչներ Թարեք Ֆլիթին եւ Սամեհ Պրայտին ու զանոնք փոխադրել Պէյրութի իր զօրանոցներէն մէկը եւ հարցաքննել զանոնք: Այս մասին կը տեղեկացնէ Լիբանանի «Ազդակ» օրաթերթը։

Թարեք Ֆլիթի եւ Սամեհ Պրայտի ՏԱՀԵՇ-ի գլխաւոր պատասխանատուներէն են:

Նշենք, որ վերոնշեալ երկուքը Հարաւային արուարձաններուն մէջ գործուած պայթումներուն հեղինակներն են. անոնք լիբանանեան բանակին եւ Արսալի բնակիչներուն վրայ յարձակումներ գործած են, պատասխանատուութիւնը կը ստանձնեն Լիբանանի մէջ գործուած բոլոր ահաբեկչութիւններուն, որոնց շարքին` ականուած ինքնաշարժները պատրաստելու եւ Լիբանան ուղարկելու պատասխանատուութիւնը, ինչպէս նաեւ յիսնապետ Փիեռ Պաշաալանին եւ թերգնդապետ Զահրամանը սպաննելու պատասխանատուութիւնը:

Նշենք, որ անպաշտօն աղբիւրներ հաղորդեցին, որ Սամեհ Պրայտի մահացած է ծանրօրէն վիրաւորուած ըլլալուն պատճառով, սակայն այդ տեղեկութիւնները մնացին անստոյգ:

Միւս կողմէ, բանակը երէկ ուշ գիշերին շարունակեց ռմբակոծել Արսալի բարձունքներուն վրայ գտնուող Ուատի Խէյլ շրջանին մէջ գտնուող ահաբեկիչներուն դիրքերը:

�