Ֆրանչիսկոս պապը` անդրադառնալով աշխարհի տարբեր անկիւններուն մէջ յաճախակի դարձած ահաբեկչական յարձակումներու նիւթին, ըսած է, որ իսլամութիւնն ու բռնութիւնը նոյնացնելը ճիշդ չէ:

Բրիտանական «Տը Կարտիըն» օրաթերթը կը նշէ, որ պապը բացատրած է, որ ահաբեկչութեան հիմքը ոչ թէ կրօնն է, այլ` ընկերային անարդարութիւնն ու դրամի նկատմամբ ագահութիւնը, նիւթապաշտութիւնն ու դրամի աստուածացումը:

«Կը կարծեմ` ճիշդ չէ իսլամութիւնը բռնութեան հետ նոյնացնելը: Իրականութեան մէջ ատիկա սուտ է, որովհետեւ բոլոր կրօններուն մէջ ալ կան փոքր արմատական խումբեր: Մենք` կաթողիկէներս ալ, ունինք այդպիսի ներկայացուցիչներ: Ես չեմ սիրեր խօսիլ իսլամութեան հետեւորդներուն գործած բռնարարքներուն մասին, որովհետեւ ամէն օր, երբ թերթերը կը կարդամ, կը տեսնեմ, որ այստեղ` Իտալիոյ մէջ, մէկը սպաննած է իր ընկերուհին կամ զոքանչը: Իսկ այդ մարդասպանները մկրտուած կաթողիկէներ են:

«Ուստի` եթէ խօսիմ իսլամներու գործած բռնարարքներուն մասին, պարտաւոր եմ խօսիլ նաեւ կաթողիկէներու գործած նոյնպիսի արարքներու մասին», ըսած է Ֆրանչիսկոս պապը

�