Արամ Ա. Կաթողիկոս. «Սուրիահայ Գաղութը Պիտի Գոյատեւէ Եւ Բարգաւաճի» - Հայերէն
15 Eylül 2019 - Հակական տոմար - Տարի : 4512 / Ամիս : Հոռի / Օր : Արամազդ / Ժամ : Ճառագայթեալ

Հայերէն :

29 Temmuz 2016  

Արամ Ա. Կաթողիկոս. «Սուրիահայ Գաղութը Պիտի Գոյատեւէ Եւ Բարգաւաճի»

Արամ Ա. Կաթողիկոս. «Սուրիահայ Գաղութը Պիտի Գոյատեւէ Եւ Բարգաւաճի» Արամ Ա. Կաթողիկոս. «Սուրիահայ Գաղութը Պիտի Գոյատեւէ Եւ Բարգաւաճի»

Մեծի Տանն Կիլիկիոյ Արամ Ա. վեհափառ հայրապետի Սուրիոյ ծովեզերեան շրջաններ տուած հովուապետական այցելութիւնը սկսաւ Լաթաքիայէն: Վեհափառ հայրապետը Լաթաքիոյ Ս. Աստուածածին եկեղեցիէն, ապա եկեղեցւոյ կից` «Արարատ» սրահէն, հաւաքուած բազմութեան փոխանցեց իր հովուապետական օրհնութիւնը, ապա շեշտեց, թէ` «հարիւր տարիներ առաջ երբ հայը Թուրքիոյ մէջ մահ ու կոտորած տեսաւ, ապա Սուրիոյ մէջ գտաւ եղբայրական սէր ու համերաշխ գոյակցութիւն: Սուրիահայ գաղութը կապուած է իր երկրին: Ան պիտի մնայ, գոյատեւէ եւ բարգաւաճի»:

Այս առիթով սրտի խօսք արտասանեց Լաթաքիոյ նահանգապետը` բարի գալուստ մաղթելով վեհափառ հայրապետին եւ շեշտելով, որ հայ տարրը Սուրիան պաշտպանելու համար յառաջապահ դիրքի վրայ գտնուեցաւ եւ տուաւ բազմաթիւ նահատակներ:

Վեհափառ հայրապետը Բերիոյ թեմի առաջնորդ Շահան արք. Սարգիսեանին պարգեւեց օծման կարգին յարմար պանակէ մը, իսկ սրբազան հայրը առիթը առաւել քաղցրացուց օրուան առիթով պատրաստուած յատուկ կարկանդակի հատումով:

Կարկանդակի հատման մասնակցեցան օրուան հիւրերը` Լաթաքիոյ նահանգապետը, ոստիկանապետը, կուսակցապետը եւ իսլամ հոգեւորականութեան ներկայացուցիչներ:

Ուշագրաւ էր սուրիական լրատուամիջոցներու խիտ ներկայութիւնը:

Վեհափառ հայրապետին հովուապետական այցելութիւնը կը շարունակուի:



Bu haber ..... kaynağından gelmektedir.
www.bolsohays.com un görüşünü yansıtmaz.

Anket Tüm Anketler

+