ՌԻԱ Նովոսթի կը հաղորդէ, որ Թուրքիոյ նախագահ Ռեճեփ Թայիփ Էրտողան Ռուսիոյ նախագահ Վլատիմիր Փութինին ուշացումով յղած իր նամակին մէջ շնորհաւորած է «Ռուսիոյ օրուան» համար եւ յոյս յայտնած, որ Մոսկուայի եւ Անգարայի միջեւ յարաբերութիւնները կը բնականոնանան ու «պատշաճ մակարդակի կը հասնին»:

Թուրքիոյ վարչապետ Պինալի Եըլտըրըմ իր կարգին նոյն առիթով շնորհաւորական նամակ մը յղած է Ռուսիոյ վարչապետ Տմիթրի Մետվետեւին եւ յոյս յայտնած, որ յառաջիկային երկու երկիրներուն միջեւ համագործակցութիւնն ու յարաբերութիւնները «հասնին երկու ժողովուրդներու հասարակաց շահերուն համար անհրաժեշտ մակարդակին»:

«Արմէնփրես» կը հաղորդէ, որ թրքական եւ ազրպէյճանական լրատուամիջոցներ յամառօրէն լուրեր կը հաղորդեն, որ Թուրքիոյ ղեկավարները Պիելոռուսիոյ եւ Ազրպէյճանի նախագահներէն «խնդրած» են միջնորդութիւն կատարել Թուրքիոյ նկատմամբ Ռուսիոյ ղեկավարներուն կարծր դիրքորոշումը մեղմացնելու համար` Թուրքիոյ եւ Ռուսիոյ միջեւ յարաբերութիւնները բնական հուն վերադարձնելու նպատակով:

�