Թրքական «Հիւրրիյէթ» օրաթերթի կայքը կը հաղորդէ, որ Թուրքիոյ մէջ Եւրոպական Միութեան ներկայացուցչութենէն պաշտօնատար մը երէկ յայտնած է, թէ Թուրքիոյ մէջ Եւրոպական Միութեան դեսպան Հանսեորկ Հապեր հրաժարած է:

Աղբիւրը աւելցուցած է, որ այս հարցին վերաբերեալ դեսպանին կամ դեսպանատան անձնակազմին կողմէ որեւէ յաւելեալ մեկնաբանութիւն չէ նախատեսուած:

«Ռոյթըրզ» լրատու գործակալութիւնը կը հաղորդէ, որ Եւրոպական Միութեան ներկայացուցչութենէն աղբիւր մը հաստատած է լուրը:

Հապեր քննադատած է Թուրքիոյ կողմէ Եւրոպական Միութեան հետ գաղթականներու ճգնաժամին շուրջ համաձայնութեան գործադրութեան ընթացքը, եւ անցեալ ամիս իր կատարած յայտարարութիւններուն պատճառով կանչուած էր Թուրքիոյ արտաքին գործոց նախարարութիւն:

�