Հակառակ Գորշ Գայլեր Ղրկելու Սպառնալիքին. Գերմանացի Ճաշարանապետը Վճռած Է Վերսկսիլ «Էրտողան Պըրկըր»-ի Վաճառմա - Հայերէն
29 Mart 2024 - Հակական տոմար - Տարի : 4516 / Ամիս : Արեգ / Օր : Վարագ / Ժամ : Հոթապեալ

Հայերէն :

14 Mayıs 2016  

Հակառակ Գորշ Գայլեր Ղրկելու Սպառնալիքին. Գերմանացի Ճաշարանապետը Վճռած Է Վերսկսիլ «Էրտողան Պըրկըր»-ի Վաճառմա -

Հակառակ Գորշ Գայլեր Ղրկելու Սպառնալիքին. Գերմանացի Ճաշարանապետը Վճռած Է Վերսկսիլ «Էրտողան Պըրկըր»-ի Վաճառմա Հակառակ Գորշ Գայլեր Ղրկելու Սպառնալիքին. Գերմանացի Ճաշարանապետը Վճռած Է Վերսկսիլ «Էրտողան Պըրկըր»-ի Վաճառման, Մինչեւ Էրտողան Փոխէ Իր Քաղաքականութիւնը

Պիտի շարունակեմ վաճառել «Էրտողան Պըրկըր»-ը, մինչեւ որ Էրտողան փոխէ իր որդեգրած քաղաքականութիւնը», յայտարարեց Գերմանիոյ Քոլոն քաղաքին մէջ գործող ճաշարանապետ մը: Մարդկային իրաւունքները անտեսող Էրտողանի որդեգրած քաղաքականութեան ակնարկելով, գերմանացի խոհարարապետը վճռած է շարունակել Էրտողանի անունով պատրաստած իր «համպըրկըր»-ը: Ճաշարանը երեք օրերէ ի վեր փակ էր, անոր դէմ թրքական «գորշ գայլեր» արձակելու սպառնալիքներուն իբրեւ հետեւանք: Նմանօրինակ սպառնալիքներ ստացած էին նաեւ ճաշարանի երեք թուրք աշխատաւորները, որոնք նոյնպէս հրաժարած են իրենց աշխատանքէն:

Ճաշարանապետ Ճորճ Թիյմէն այս առիթով քննադատեց Թուրքիոյ կիրարկած բիրտ քաղաքականութիւնը մամուլին եւ յատկապէս` թղթակիցներուն նկատմամբ, ինչպէս նաեւ` անոր որդեգրած կարծիքի ազատութեան դէմ կաշկանդումները:

Նշենք, որ Թուրքիա վերջերս բանտարկութեան վճիռ արձակեց ահաբեկման փորձէ մազապուրծ փրկուած թուրք թղթակից Ժան Տիւնտէրի եւ Արտեմ Կիւլի դէմ:

Նոյն ծիրին մէջ Էրտողան դատական հայց յարուցած էր գերմանացի հանրածանօթ լրագրողի մը դէմ, որ «համարձակած էր Էրտողանը ծաղրել` յայտնելով, թէ ան այծերու եւ ոչխարներու հետ սեռային յարաբերութիւն կը մշակէ»: Գերմանիոյ պատկան դատարանը կը քննարկէ, թէ արդեօք լրագրողին այս քայլը պէ՞տք է «նախագահի մը դէմ անարգանք» նկատել ու առ այդ պատժել զայն:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com

Diğer Haberler

+