Միացեալ Նահանգներու պաշտպանութեան նախարարութեան մէջ տեղի ունեցած մամլոյ ասուլիսի մը ընթացքին Փենթակոնի մամլոյ բանբեր Փիթըր Կուք յայտնած է, թէ Միացեալ նահանգներ Թուրքիոյ տարածքէն դուրս կը տարհանէ իր զինուորականներուն ընտանիքները: Այս մասին կը հաղորդէ «Սի.Էն.Էն.»-ը:

Փենթակոնի ներկայացուցիչին խօսքով, որոշումը տրուած է մղուած առաւելագոյն զգուշաւորութիւն ցուցաբերելու քաղաքականութեան հիման վրայ: Որոշումը կը վերաբերի 670 հոգիի տարհանման մասին: Բացի ատկէ, 100 հոգի` ամերիկացի զինուորականներու ընտանիքներու ներկայացուցիչներ, պիտի մնան Թուրքիա: Կուքի խօսքով` մնացողները կը գտնուին Անգարա եւ Պոլիս, իսկ տարհանուողները ներկայիս կը բնակին ամերիկեան ռազմակայաններուն, որոնք շարքին` Ինճիրլիքի մէջ:

Մամլոյ բանբերը ըսած է, որ նմանատիպ որոշում տրուած է նաեւ Թուրքիոյ մէջ գտնուող ամերիկացի դիւանագէտներու ընտանիքներուն վերաբերեալ:

�