Գերմանիոյ ներքին գործոց նախարար Թոմաս տը Մեզիեր «Էյ.Առ.Տի.» պատկերասփիւռի կայանին հետ հարցազրոյցի մը ընթացքին նշած է, որ Թուրքիոյ արտաքին սահմաններու պաշտպանութիւնը Եւրոպական Միութեան համար գաղթականներու ճգնաժամը լուծելու կարեւորագոյն նախապայմաններէն է:

«Բոլոր երկիրները համակարծիք են, որ Թուրքիոյ սահմաններու պաշտպանութիւնը առաջնահերթ բնոյթի խնդիր է Եւրոպական Միութեան համար», ըսած է նախարարը` աւելցնելով, որ թրքական սահմաններու պաշտպանութեան հարցին մէջ ներգրաւուած են Եւրոպական Միութեան «Ֆրոնթեքս» սահմանային գործակալութիւնն ու ՕԹԱՆ-ը:

Սակայն Vz.ru կը նշէ, որ Գերմանիոյ քաղաքացիներու մեծամասնութիւնը Թուրքիան չ՛ընկալեր իբրեւ յուսալի գործընկեր գաղթականներու խնդիրի լուծման հարցին մէջ:

Աղբիւրը կը յիշեցնէ, որ յունուարին Եւրոպական խորհուրդի նախագահ Տոնալտ Թուսք ըսած էր, որ գաղթականներու խնդիրի` յառաջիկայ 2 ամսուան ընթացքին չլուծուելուն պարագային` Շենկենեան գօտին տապալելու վտանգ կը դիմագրաւէ:

�