Սուրիոյ բանակը զինեալներէն ազատագրած է Տարաայի հարաւային նահանգի ռազմավարական կարեւորութիւն ունեցող Շէյխ Մէսքին քաղաքը: Այս մասին, ըստ Armenpress.am-ի, Յունուար 25-­ին հաղորդած է Reuters գործակալութիւնը։

Տարաա, Գունէյդրա եւ Սուէյտա հարաւային նահանգներ տանող ճանապարհներու խաչմերուկին գտնուող քաղաքի գրաւումը թոյլ պիտի տայ սուրիացի զինուորականներուն` ապահովել Դամասկոսէն իր խմբաւորման անվտանգ մատակարարումը:

Տարաայի գործող ահաբեկիչներու խմբաւորումը բաժնուած է երկու մասի: Ներկայիս մարտական գործողութիւնները կը շարունակուին Շէյխ Մէսքինի արուարձաններուն մէջ:

Յունուար 24­-ին Սուրիոյ կառավարական զօրքերը զինեալներէն ետ խլած էին Ալ Ռապիա ռազմավարական քաղաքը Լաթաքիոյ մէջ, որ սահմանակից է Թուրքիոյ հետ: Այնուհետեւ բանակը հնարաւորութիւն ստացած է յարձակում ծաւալելու Թուրքիոյ սահմանի ուղղութեամբ

�