Սիրելի Հայրեր, եղբայրակից Քահա-նայութեամբ Սիրեցեալ Քոյրեր ու եղ-բայրներ Քրիստոսի մէջհրճուի՛նք:

Լոյսի ու ճշմարիտ ուրախութեան զաւակներ ենք, ծնած աւելի քան 2000 տարի առաջ եւ չի դադրի՛ր ծնելէ ամէն օր աշխարհի խորաններուն վրայ, որպէսզի կրկին ծնի մեր սրտերուն մէջ:

Ծննդեան տօնը, քրիստոնեաներուս համար, ծնունդն է Քրիստոսի՝ իւրաքանչիւրիս սրտին ու հոգիին խորը, որպէսզի մեզ առաջնորդէ դէպի Հայրը եւ դէպի անսպառ երջանկութիւնը:

Ծնունդը կարեւոր տօն մընէ: Մեզի կը յիշեցնէ, թէ Քրիստոսը՝ Աստուծոյ Որդին մարդ եղաւ մեզ ազատելու մեղքի ստրկութենէն եւ դարձնելու Հօր/Աստուծոյ: Մեզի կը յիշեցնէ, թէ Աստուծոյ Որդին աշխարհ եկաւ յիշեցնելու Հօր/Աստուծոյ կամքը, որ կը փնտռէ լոկ մեր երջանկութիւնը:

Ս. Կոյսէն ծնած Յիսուսը՝ պատգամն է խաղաղութեան, արդարութեան եւ սիրոյ:

Աւետարանները մանրամասնութիւններ չեն տար Յիսուսի ծննդեան թուականին մասին: Ինչ որ կարելի է ըսել, եւ որուն նաեւ կը հաւատանք հաստատապէս, թէ Փրկիչ մը ծնաւ մեզի համար, որ Քրիստոսն է: Կաթողիկէ Եկեղեցին, չորրորդ դարէն սկսեալ, ընտրեց 25 Դեկտեմբերի թուա-կանը տօնելու համար Ծնունդը: Օրթոտոքս/Առաքելական Եկեղեցիները կը տօնեն 6 կամ 7 Յունուարին: Սակայն, Միութենական հոգիով,�բոլոր Եկեղեցիները կրնան որոշել տօնել ծնունդը ամառը կամ ձմեռը: Էականը՝ վերապրիլն է Աստուծոյ ծնունդը մեր միջեւ եւ խոկալ մեր փրկչագործութեան ու դարձի խորհուրդը:

Մեղքով մարդկութիւնը կորսնցուց Աստուծոյ Պատկերին անմեղութիւնը: Ս. Ծնունդով՝ զայն վերստացանք: Մեղքով՝ մահը մտաւ աշ-խարհ. Քրիստոսի ծննդեամբ՝ Կեանքը՝ յաղ-թանակեց: Խոնարհութիւնը փոխարինեց�հպարտութիւնը, հնազանդութիւնը յաջորդեց անհնազանդութեան:

Ծնունդը մեզ կը հրաւիրէ բանալու մեր սրտերը մանուկին եւ օտարին: Ա՛յս է հոգին Ծննդեան: Տեղ մը վերապահել՝ ծննդեան նախօրեակի սեղանին շուրջ, կամ կարկանդակի բաժին մը՝ աղքատին, անծանօթին, առանձին ապրող դրացիին, հիւանդին, բանտարկեալին... զիրենք այցելել ու անոնց հասցնել Սիրոյ պատգամը

Նորածինին, ա՛յս է հոգին Ծննդեան:
Մեր ժողովրդապետութիւններէն ու դպրոցներէն թող չպակսին ծննդեան թատրոններն ու կենդանի մսուրները: Ասոնք կը քաջալերեն մեզ վերապրելու քաղցրութիւնը Ծննդեան ու խորհուրդը մարդկութեան փրկչագործութեան:

Համագործակցաբար զաւակներուն հետ, մսուր մը պատրաստել տան մէջ Դեկտեմբերի սկիզբը ու զայն զարդարել՝ զիրենք կ’ուրախացնէ ու կը պատրաստէ վերապրելու աստուածային Սիրոյն�խորհուրդը:

Աշխարհականացած ու անհատապաշտ աշխարհի մը մէջ, հալածանքներով ու պատե-րազմներով վիրաւոր, հոգերով ու վաղուայ մտատանջութեամբ ու վախով բեռնաւորուած, Ծնունդը մեզ կը հրաւիրէ մերձենալու ճշմարիտ ուրախութեամբ ու վստահութեամբ Նազարեթի Նորածինին, Տապանակի Ս. Հաղորդութեան,�որ մեզ կը հարստացնէ մեծ յոյսով, որ կը բխի իր աղքատութենէն, անկարողութենէն ու խո-նարհութենէն: Վստահութիւն մը Նորածինին՝ որ մարդացաւ ու մանուկ եղաւ մեր սիրոյն համար,որպէսզի մեզի դարձնէ Աստուծոյ որդիի արժանապատուութիւնը: Յոյս մը,որ քաջալերեց մոգերը, առաքեալները, բոլոր դարերու սուրբերն�ու սրբուհիները, Եկեղեցին ընդհանրական, հետեւելու Բեթղեհէմի մանուկին:

Ծննդեան տօնը կոչ մըն է Աստուծոյ սիրոյն եւ մեր Եղբայր/քոյրերուն, բոլորը սիր-ւած Քրիստոսէ: Ծնունդը՝ հաւատալ է Ս. Հաղորդութեան մէջ Յիսուսի ամենակարողու-թեան: Տապանակին մէջ սէրն է որ չի՛ դադրիր�հոգալ, պահել ու պաշտպանել մեզ: Ան մեզի կը սպասէ ըսելու համար,թէ մեզ կը սիրէ ու մեզմէ կը սպասէ փոխադարձ սէր: Ամենակարողը, որ մեզ կը քաջալերէ ու կը մղէ ապրելու կեանքը՝ հաղորդակցաբար Իր եւ ուրիշներուն հետ: Ա՛նէ, որ մեզի հետ կը տանի աշխարհի բեռն ու հոգերը:

Ծնունդը հրաւէր մըն է իւրաքանչիւրիս, որպէսզի այնպէս ապրինք, որ արժանի ըլլանք Անոր որ իր վստահութիւնը դրաւ մեր վրայ, ինչպէս նաեւ՝ ըլլալ արժանաւոր մեր առաքելական ու�փրկչական կոչումին:

Սիրեցեալ Եղբայրներ եւ քոյրեր, մաղթանքս է, որ Ծնունդը ըլլայ ճշմարտապէս լի քրիս-տոնէական հոգիով, որպէսզի գիտնանք,թէ Աստուած Էմմանուէլ է- մեզի հետ է, մեր սրտերուն մէջն է ու մեզի կ’ընկերանայ�Կեանքի ուղեւորութեան ընթացքին՝ դէպի Երջանկութիւնը յաւիտենական:
Շնորհաւոր Սուրբ Ծնունդ:

Հայր Յովհաննէս Թէյրուզեան, Եպիսկոպոս

�