«Հապերթիւրք» կը հաղորդէ, որ Թուրքիոյ վարչապետ Ահմեթ Տաւութօղլու յայտարարած է, որ իր ղեկավարած Արդարութիւն եւ բարգաւաճում կուսակցութեան իշխանութեան գալէն 14 տարի ետք այս յաղթանակը աննախադէպ է համաշխարհային ժողովրդավարութեան պատմութեան մէջ:

«Մեր ժողովուրդը նոյեմբեր 2002-ին տակաւին 1,5 տարուան պատմութիւն ունեցող մեր կուսակցութեան ձայներու 34,5 առ հարիւրով իշխանութեան վստահեցաւ: Ատկէ ետք մեր ստացած քուէները մշտապէս աւելցան: Մենք բազմաթիւ ընտրութիւններու յաղթած ենք, իսկ այժմ` 14 տարի ետք, մենք դարձեալ հասանք 2011-ի ցուցանիշին: Ատիկա աննախադէպ դէպք է համաշխարհային ժողովրդավարութեան մէջ», յայտարարած է Տաւութօղլու:

Թուրքիոյ նախագահ Ռեճեփ Թայիփ Էրտողան յայտարարեց, որ Տաւութօղլու ընդդիմութեան ղեկավարներուն հետ պիտի քննարկէ երկրին նոր սահմանադրութեան որդեգրման խնդիրը:
�