Սիրիահայերը մուտքի վիզա կկարողանան ստանալ նաև ՀՀ սահմանային անցակետերում - Հայերէն
24 Kasım 2024 - Հակական տոմար - Տարի : 4517 / Ամիս : Տրե / Օր : Լուսնակ / Ժամ : Հրակաթն

Հայերէն :

26 Temmuz 2012  

Սիրիահայերը մուտքի վիզա կկարողանան ստանալ նաև ՀՀ սահմանային անցակետերում -

Սիրիահայերը մուտքի վիզա կկարողանան ստանալ նաև ՀՀ սահմանային անցակետերում Սիրիահայերը մուտքի վիզա կկարողանան ստանալ նաև ՀՀ սահմանային անցակետերում

Ազգությամբ հայ օտարերկրյա քաղաքացիներն այսուհետեւ հնարավորություն կունենան Հայաստանի Հանրապետության մուտքի վիզա ստանալ նաև ՀՀ սահմանային անցման կետերում: Ինչպես հաղորդում է «Արմենպրես»-ը` վկայակոչելով ՀՀ կառավարության պաշտոնական կայքը, գործադիրը հուլիսի 26-ի նիստում այս նպատակով համապատասխան փոփոխություններ կկատարի իր նախկին որոշումներից մեկում:

Մինչ այժմ ՀՀ մուտքի վիզա տրամադրվել է միայն Հայաստանի Հանրապետության դիվանագիտական ներկայացուցչություններում և հյուպատոսական հիմնարկներում` այն պետությունների քաղաքացիների համար, որոնց մուտքը Հայաստան սահմանված էր վիզային ռեժիմով:

Պետք է նկատել, որ ներկայում դեպի Հայաստան նկատվում է սիրիահայերի հոսք` Սիրիայում ստեղծված լարված իրավիճակի պատճառով: Այս պարագայում նման որոշումը մեծ նշանակություն կունենա սիրիահայերի մուտքը Հայաստան ավելի դյուրին դարձնելու համար:

Նախագիծը մշակվել է ՀՀ ոստիկանության անձնագրային և վիզաների վարչության կողմից, որի շուրջ քննարկումներ են իրականացվել ՀՀ արտաքին գործերի, Սփյուռքի նախարարությունների և ՀՀ Ազգային անվտանգության ծառայության ներկայացուցիչների հետ:





Bu haber kaynağından gelmektedir.

Haber metninde yer alan görüşler haber kaynağı () ve yazarına ait olup,
bolsohays.com sitesi haber hakkında herhangi bir görüş üstlenmemektedir.

Opinions expressed are those of the author(s)-(). They do not purport to reflect the opinions or views of bolsohays.com
Önceki Sonraki

Anket Tüm Anketler

Günün Sözü


Ապականուած սրտերու համար բարեկամութիւնը երբեք գոյութիւն չունի։

+