Թուրքիոյ պաշտպանութեան նախարար Իսմէթ Եըլմազ մերժեց պատասխանել Իրանի օդային ուժերու հրամանատարի ազդարարութեան, թէ կը նպատակադրեն թիրախ ընտրել ՆԱԹՕ-ի Թուրքիոյ մէջի հրթիռային վահանները: Այս մասին կը յայտնէ «Սապահ» թերթը։

Ըստ թերթին՝ թրքական նախարար Եըլմազ բաւականացաւ ըսելով, թէ այս գծով մեկնաբանութիւն կատարելու համար կարեւոր է, որ «մեզի Թեհրանէն պաշտօնական յայտարարութիւն հասնի եւ քաղաքական ներկայացուցիչներէ վստահ ըլլանք այդ լուրին իրականութենէն»:

Նախարարը վստահեցուց, թէ ճիշդ չէ մեկնաբանել լուր մը, որ թերթերու միջոցով տրուած է նշելով, որ «ներկայիս որեւէ յայտարարութիւն կատարելու պարագային Իրանի պաշտօնակիցս անկասկած պիտի պատասխանէ ըսածիս, հետեւաբար սկիզբը պէտք է ստուգել լուրին ճշդութիւնը, ապա պատասխանել նիւթին էութեան»:

http://tert.am/hy/news/2011/11/30/turkey-iran/