Այլեւայլ : Յուշարձանի Մը Պատմութիւնը… Ինչո՞ւ Չարենցի Կամար
Յուշարձանի Մը Պատմութիւնը… Ինչո՞ւ Չարենցի Կամար
Երեւան-Գառնի ճամբուն աջ կողմը, Ողջաբերդ գիւղին մէջ, 1500 մ բարձրութեան վրայ կանգնած է «Արարատի Կամար» յուշարձանը` բոլորիս ծանօթ «Չարենցի Կամար»-ը:
Ինչո՞ւ Չարենցի Կամար…
Օրին մէկը ճարտարապետ Ռաֆայէլ Իսրայէլեանը Գառնի տանող ճամբուն վրայ ինքնաշարժէն կը նկատէ, որ Ողջաբերդ բլրակի մօտէն հրաշալի տեսարան կը պարզուի դէպի Արարատ լեռը: Ճարտարապետը կ՛իջնէ ինքնաշարժէն, կը բարձրանայ բլրակը եւ կ՛որոշէ այդ վայրին մէջ կառուցել կամար մը:
Արարատի կամար անունը կրող յուշակոթողը տեղադրուած է 1957-ին` ճարտարապետին կողմէ: Հոնկէ պիպլիական լեռը` Արարատը, տեսանելի է օրուան բոլոր ժամերուն: Կամարի երկայնքով փորագրուած են մեծանուն բանաստեղծ Եղիշէ Չարենցի տողերը «Ես իմ անուշ Հայաստանի» բանաստեղծութենէն.
«Աշխարհ անցիր, Արարատի նման ճերմակ գագաթ չկայ,
Ինչպէս անհաս փառքի ճամբայ, ես իմ Մասիս սարն եմ սիրում»:
Այս պատճառով յուշակոթողը ժողովուրդին աւելի ծանօթ է «Չարենցի Կամար» անուանումով:
Նշենք, որ բացի Արարատի կամարէն, մեծանուն ճարտարապետ Ռաֆայէլ Իսրայէլեանին կը պատկանին նաեւ Սարդարապատի հերոսամարտի յուշահամալիրը, Մայր Հայաստանի յուշահամալիրը, Մուսա Լերան յուշարձանը, Լուսաղբիւր յուշարձանը եւ տասնեակ մը այլ գլուխ-գործոցներ:
Yazarlar Tüm Yazarlar
Anket Tüm Anketler
Günün Sözü
Հաւատքն է այն իոր համոզում թէ Աստուած ուղղակի կերպով կը միջամտէ մարդկային գործերուն։