Այլեւայլ : Հաւկիթի Անհրաժեշտութիւնը
23 Mart 2019 - Հակական տոմար - Տարի : 4511 / Ամիս : Արեգ / Օր : Ծմակ / Ժամ : Լուսափայլ

Այլեւայլ : Հաւկիթի Անհրաժեշտութիւնը

Այլեւայլ

Այլեւայլ Tüm yazılarını göster..

30 Eylül 2016 Bu haber 962 kez okundu.  

Հաւկիթի Անհրաժեշտութիւնը

Յաճախ կը լսենք, որ հաւկիթը լեարդի համար ծանր կերակուր է, քանի որ հարուստ է քոլեսթերոլով: Շատերը նոյնիսկ ամբողջովին կը հանեն հաւկիթը իրենց սննդակարգէն` մտածելով իրենց առողջութեան մասին:

Բազմաթիւ հետազօտութիւններ ցոյց տուած են, որ հաւկիթը անհրաժեշտ է մարմնին: Սակայն այն մարդիկ, որոնք կը տառապին շաքարախտով կամ գերզգայուն են, պէտք է սահմանափակեն անոր օգտագործումը: Միւսներուն համար հաւկիթը անգնահատելի մթերք է:

Հաւկիթի օգտակար յատկութիւնները.

Անիկա դիւրամարս է. Հաւկիթի սպիտակուցը մարմնին մէջ կ՝իւրացուի 98%-ով: Ասիկա նոր բջիջներու ստեղծման հրաշալի միջոց է: Հաւկիթը անհրաժեշտ է մկաններու աճին եւ անոնց անհրաժեշտ մակարդակի պահպանման համար:

Հաւկիթը հարուստ է վիթամիններով. Անիկա իր բաղադրութեան մէջ կը պարունակէ շարք մը օգտակար վիթամիններ. մէկ հաւկիթի մէջ կայ վիթամին A-ի օրական պահանջուածի 5% եւ D-ի` 10%: Անիկա նաեւ կը պարունակէ ֆոսֆոր, երկաթ, զինգ, եոտ, ռիպոֆլաւին:

Հաւկիթը կը կանխարգիլէ օսթէոբարոզը. Խաշած հաւկիթը կ՝ապահովէ ոսկորներուն ամրութիւնը: Փխրուն ոսկորներու խնդիրը կ՝անհանգստացնէ շատերը, յատկապէս` 40-ը անց կանանց: Իսկ հաւկիթը կ՝ամրացնէ ոսկորները, հետեւաբար` ցանկալի է յաճախակի օգտագործել զայն:

Հաւկիթը կ՝ամրացնէ ուղեղը.Անոր բաղադրութեան մէջ է կը մտնէ խոլինը, որ անփոխարինելի տարր է ուղեղի համար: Հաւկիթը կը լաւացնէ յիշողութիւնը, արագ անդրադարձը: Բոլոր անոնց համար, որոնք մտաւոր աշխատանք կը կատարեն, օրական մէկ հաւկիթ ուտելը պարտադիր է:

Հաւկիթը կը նուազեցնէ աթերոսքլերոզի յառաջացման վտանգը. Հաւկիթի օգտագործումէն յետոյ արեան մէջ քոլեսթերոլի մակարդակը չի բարձրանար: Քոլեսթերոլի մակարդակը անոր մէջ կը կարգաւորուի ֆոսֆաթիտներու միջոցով: Ֆոսֆաթիտները կը կանխարգիլեն աթերոսքլերոզի յառաջացումը:

Ցանկալի է օգտագործել խաշած հաւկիթը` առանց կարագի կամ ձիթաիւղի: Ասիկա 100%-ով կը կանխարգիլէ լեարդի հիւանդութիւններու յառաջացումը:



Anket Tüm Anketler

Deyişler

Kitap Köşesi

Günün Sözü


Մարդիկ հանգիստ, հաճոյալի կեանք մը ապրելու համար չէ որ աշխարհ եկած են, այլ նկարագիր կերտելու։

+