Այլեւայլ : Ինչպէ՞ս Պահպանել Բարձր Տրամադրութիւն
Ինչպէ՞ս Պահպանել Բարձր Տրամադրութիւն
Թախիծը կը վախնայ արեւէն…Ամերիկացի հոգեբանները կը կարծեն, որ մեր տրամադրութիւնը որոշակիօրէն կապ ունի մեր արթննալու ժամուն հետ:
Կը պարզուի` թախծոտութիւնը, անտրամադիր վիճակը կը վախնան արեւու լոյսէն` ինչպէս սատանան խաչէն: Մարդու մարմնին մէջ յայտնաբերուած են հորմոններ, որոնց կենսագործունէութեան նիւթերը մտնելով արեան մէջ՝ կը ներգործեն ուղեղին մէջ գտնուող «ճնշման կեդրոններ»-ուն վրայ: Ըստ այդմ` գիշերը այդ հորմոններուն քանակը կ’աւելնայ, իսկ արեւուն առաջին ճառագայթներէն` կը նուազի: Այնպէս որ, պէտք է քնանալ կանուխ, արթննալ՝ լուսաբացին, եւ լաւ տրամադրութիւնը ապահովուած է:
Իսկ ինչպէ՞ս վարուիլ ձմրան ընթացքին, երբ լուսային օրը կարճ է: Հոգեբանները խորհուրդ կու տան որքան հնարաւոր է յաճախակի այցելել վարսայարդարը: Ունենալով գեղեցիկ սանտրուածք` կինը ոչ միայն հաճելի տեսք կը ստանայ, այլեւ իրեն կը զգայ աւելի ազատ ու հանգիստ, աւելի եռանդուն, ան աւելի դիւրութեամբ կը յաղթահարէ բացասական զգացումները: Այդ նոյն արդիւնքին կարելի է հասնիլ նաեւ տան մէջ, լուալ գլուխը, ինքնուրոյն յարդարել մազերը: Եւ դուք արդէն բոլորովին ուրիշ մարդ էք:
Երբեք մի՛ շտապեցնէք հայելիին դիմաց կանգնած կին. ան ոչ թէ կը սէթեւեթէ հայելիին առջեւ, այլ տրամադրութիւն կը ստեղծէ:
Լաւ տրամադրութեան համար մարզադաշտ երթալ
Մարմնամարզանքը, անկասկած, դրական յոյզեր կը պարգեւէ մարզասէրներուն: Ի հարկէ, երբեմն անիկա կը հասնի անհեթեթութեան: Արժանթինի տաքարիւն տղամարդիկ` ֆութպոլի ջերմ սիրահարները, կարծես թէ լրջօրէն զայն կը գերադասէն սեռական յարաբերութենէն:
Շարժումը ուրախութիւն է
Տրամադրութեան բարձրացման համար իւրաքանչիւրը կ’առաջարկէ իր դեղատոմսը: Լոնտոնի համալսարանի հոգեբան Ռոպերթ Իւնկը համոզուած է` մարմնամարզով զբաղիլը կը գրաւէ առաջին տեղը: 20 տարի ան ուսումնասիրած է մարմնական աշխոյժութեան ազդեցութիւնը մարդու հոգեկան վիճակին վրայ: Մարզասրահներու, լողաւազաններու, վազքուղիներու մշտական յաճախորդներու 85 %-ի մօտ մարզումներէն ետք վատ հոգեվիճակէն հետք անգամ չէր մնար, իսկ լաւ տրամադրութեան կորագիծը կտրուկ կերպով կը բարձրանար:
Yazarlar Tüm Yazarlar
Anket Tüm Anketler
Günün Sözü
Ապականուած սրտերու համար բարեկամութիւնը երբեք գոյութիւն չունի։