Դոկտ. Հրայր Ճէպէճեան Կաթողիկէ Համայնքի Վիճակաւորին Այցելեց -
Դոկտ. Հրայր Ճէպէճեան Կաթողիկէ Համայնքի Վիճակաւորին Այցելեց
Երեքշաբթի 25 Մարտի, 2025, Դոկտ. Հրայր Ճէպէճեան՝ Արաբական Ծոցի Աստուածաշունչի Ընկերութեան Ընդհանուր Քարտուղարը, որ աշխատանքային այցելութեամբ մը կը մեկնէր Հիւսիսային Մակեդոնիա՝ քանի մը ժամուայ համար այցելեց Պոլիս։ Ան շնորհաւորական այցելութիւն մը տուաւ Գերպ. Տ. Վարդան Ծ. Վրդ. Գազանճեանին՝ Թուրքիոյ Հայ Կաթողիկէ համայնքի առաջնորդ ընտրուելուն առիթով։
Հանդիպումը պատեհ առիթ էր ունենալու զրոյց եւ միտքերու փոխանակում Պոլսահայ կեանքի, հոգեւոր եւ Քրիստոնէական դաստիարակութեան կարեւորութեան եւ Հայաստան-սփիւռք յարաբերութիւններու վրայով։
Դոկտ. Հրայր Ճէպէճեան յաջողութիւն մաղթեց Գերապայծառին իր պատասխանատու առաքելութեանը համար, մաղթելով քաջառողջութիւն եւ յաջողութիւն։ Հանդիպման ներկայ էին Պէյօղլուի Ս. Եկեղեցեաց քարոզիչ՝ Հոգշ. Տ. Յարութիւն Վրդ. Տամատեան եւ Թուրքիոյ Աստուածաշունչի Ընկերութեան Ընդհանուր Քարտուղար՝ Տիկ. Թամար Գարասու։
Bu haber normarmara kaynağından gelmektedir.
Haber metninde yer alan görüşler haber kaynağı (normarmara) ve yazarına ait olup,
bolsohays.com sitesi haber hakkında herhangi bir görüş üstlenmemektedir.
Opinions expressed are those of the author(s)-(normarmara). They do not purport to reflect the opinions or views of bolsohays.com